Kali nia brać u raźlik Miensk, to samaj kankurentnym rehijonam krainy padčas parlamenckich vybaraŭ čakana stanie Mahiloŭskaja vobłaść. Kandydaty ŭ hetym rehijonie, u tym liku apazycyjnyja, amal nie sutykalisia z admovami. Vynik hetaha havoryć sam za siabie.
Na Mahiloŭščynie niama nivodnaj biezalternatyŭnaj akruhi. Ahułam ža z trynaccaci akruhaŭ tolki ŭ piaci budzie pa dva kandydaty, pa inšych – ad troch da šaści. Siaredni ž konkurs składzie 3 čałavieki na miesca, heta bolej, čym pa krainie (2,5).
Dla paraŭnańnia na Haradzienščynie, jakaja taksama maje trynaccać akruhaŭ, konkurs składaje 1,8 čałavieki na miesca. Piać akruhaŭ uvohule zastalisia biezalternatyŭnymi. Niešta padobnaje nazirajecca i ŭ zachodnich rajonach Mienščynie, dzie ŭčastkovyja kamisii admovilisia rehistravać pradstaŭnikoŭ apazycyi.
Heta možna rastłumačyć vialikaj bazaj łukašenkaŭskaha elektaratu na Mahiloŭščynie. Tam, pa mierkavańni ideolahaŭ, narod usio adno nie prahałasuje za apazycyju. Zusim ža inšaje staŭleńnie da rehijonaŭ kštałtu Miadzieła, Navahradka, Smarhoni, Vaŭkavysku, Iŭja, Mastoŭ, Ščučyna, Niaśvižu ci Barysava. Tamu hetyja akruhi, ad hrachu padalej, i zrabili biezalternatyŭnymi.
