Rasieja z 1 listapada 2008 hodu zabaraniaje ŭvoz u krainu małočnaj pradukcyi i miasa ptuški z 20 biełaruskich pradpryjemstvaŭ.
Pra hetaje rašeńnie paviedamlaje siońnia pres‑reliz Rasiejskaha sielskahaspadarčaha nahladu.
Pra reakcyju biełaruskaha boku «Svabodzie» ŭdałosia daviedacca ŭ hałoŭnym upraŭleńni veterynaryi Dziaržaŭnaj inspekcyi Ministerstva sielskaj haspadarki j charčavańnia. Voś što kaža adzin z kiraŭnikoŭ hetaj ustanovy Viktar Aładko:
«Usie panikujuć! Usie! Vy ž cudoŭna razumiejecie, što siońnia pradpryjemstvy, jakija aryjentavanyja na ekspart svajoj pradukcyi, viadoma, buduć panikavać».
U adkaz na pytańnie, ci niespadziavanym było rašeńnie Raśsielhasnahladu, čynoŭnik zajaŭlaje:
«My jašče sami nie paśpieli papracavać nad hetaj infarmacyjaj. Naša ministerstva joj tołkam jašče nie vałodaje. A žurnalisty ŭžo, jak muchi, z usich bakoŭ ablapili…»
Miž tym Rasiejskaje infarmacyjnaje ahienctva kanstatuje, što «biełaruski bok pry apošniaj praviercy nie pravioŭ aŭdyt 35 pradpryjemstvaŭ, prainspektavanych specyjalistami Raśsielhasnahladu ŭ žniŭni 2008 hodu».
***
Rasiejski bok taksama ŭdakładniaje, što zabarona raspaŭsiudžvajecca na AAT «Maładečanski harmałzavod», AAT «Smalavicki małočny zavod», AAT «Vierchniadźvinski masłasyrzavod», AAT «Sieńnienski zavod SAM», KUP «Vietkaŭski małočny zavod», SAAT «Biełsyr», IAAT «Miłkimpart‑Ajs», AAT «Horacki masłarobčy‑syrarobčy zavod», AAT «Słaŭharadzki masłarobčy‑syrarobčy zavod», AAT «Mścisłaŭski masłarobčy‑syrarobčy zavod», AAT «Čavuski masłarobčy‑syrarobčy zavod», AAT «Škłoŭski masłarobčy zavod», AAT «Pružanski małočny zavod», SAAT «Lachavicki małočny zavod», AAT «Ščučynski masłasyrzavod», AAT «Vilejski harmałzavod», AAT «Naračanski masłasyrzavod», AAT «Asipovicki małočny kambinat», AAT «Lidzki małočnakanservavy kambinat « i AAT «Kobrynskaja ptuškafabryka».
