Jon pavialičvaje prezydencki termin da šaści hadoŭ i robić inšyja drobnyja papraŭki, jakija źmianiajuć balans siłaŭ u Rasiei. Pačatak realnaha dvajaŭładździa ci padzieńnie Pucina?
Pra heta było niečakana zajaŭlena im siońnia padčas pasłańnia Federalnamu schodu. Charakterna, što Miadźviedzieŭ adnios datu svajho dakładu na 5 listapada, kali ŭvieś śviet sočyć za Amerykaj, a nie Maskvoj.
Miadźviedzieŭ miarkuje, što papraŭki ab terminach prezidenckich paŭnamoctvaŭ — nie reforma, a karekciroŭka kanstytucyi.
Taksama padčas vystupu siońnia Miadźviedzieŭ zaznačyŭ, što:
Rasieja raźmieścić «Iskandery» pad Kalininhradam u adkaz na raźmiaščeńnie systemy PRA ŭ Polščy i Čechii (pra Biełaruś jak placdarm nie było skazana ni słova),
vajna ŭ Paŭdniovaj Asiecii — «heta začepka dla ŭvodu vojskaŭ NATO ŭ Čornaje mora i paskoranaha raźmiaščeńnia PRA ŭ Eŭropie».
Prezydent Rasiei skazaŭ, što Rasieja na Kaŭkazie nie adstupić:«Naš narod duchoŭna i maralna bahaty, nam jość čym hanarycca, jość, što lubić i što abaraniać i da čaho imknucca. Tamu my nie adstupim».
ZŠA vinavatyja ŭ suśvietnym kryzisie, skazaŭ Miadźviedzieŭ,
«Suśvietny finansavy kryzys taksama pačynaŭsia jak lakalnaje NZ — na nacyjanalnym rynku ZŠA, jakija potym paciahnuli za saboj uniz usie finansavyja rynki płaniety -- i kryzis nabyŭ hlabalny maštab».
Vykazaŭsia prezydent Rasiei i pra abrańnie Baraka Abamy:
«U nas niama prablem z amerykanskim narodam, u nas niama antyamerykanizmu, i my spadziajemsia, što z našymi partniorami, novaj administracyjaj ZŠA budzie zrobleny vybar na karyść paŭnavartych adnosinaŭ z Rasiejaj».
Pramova Miadźviedzieva doŭžyłasia 85 chvilin i 58 razoŭ pieraryvałasia apładysmentami, paličyli rasiejskija žurnalisty. Pryčym Pucin zaplaskaŭ pieršy, kali pajšła havorka pra ŭzmacnieńnie kantrolu Dumy nad uradam, a Mironaŭ — ab novym pryncypie farmavańnia vierchniaj pałaty parlamentu, procilehłym tamu, jaki prapanoŭvaŭsia Mironavym samim. Nia vidna było, ci ŭdzielničali ŭ avacyi Žyrynoŭski i Ziuhanaŭ, lidery rasiejskaj pseŭdaapazycyi, kali Miadźviedzieŭ prapanavaŭ unieści źmieny ŭ Zakon ab partyjach, jakija b abmiažoŭvali kolkaść terminaŭ, jakija mohuć siadzieć na čale svaich partyj ich lidery.
