Moładzievy aktyvist kampanii «Eŭrapiejskaja Biełaruś» Jaŭhien Afnahiel u paniadziełak byŭ vyklikany va UUS Savieckaha rajonu Miensku, jak śviedka pa kryminalnaj spravie nakont kradziažu.
«Śledčaja Adziniec skazała, što 16 krasavika ŭ Savieckim rajonie adbyŭsia kradziež. Zaviedzienaja kryminalnaja sprava pa artykule 205. Adzin ź śviedkaŭ nibyta apaznaŭ u złačyncu mianie. Zapytalisia, dzie ja znachodziŭsia ŭ hety dzień. Tady akurat adbyvaŭsia «Praces čatyrnaccaci», i ja ceły dzień byŭ na sudzie», — kaža Ja.Afnahiel.
Aktyvist ciapier prachodzić pa hetaj spravie ŭ jakaści śviedki. «Heta takija prajavy našaj «liberalizacyi». Mahčyma, što ciapier apazycyjaneraŭ buduć sadžać u turmie nie pa palityčnych artykułach, a pa zvyčajnych kryminalnych. Kab było składana dakazać, što hety čałaviek palitviazień», — padsumoŭvaje Ja.Afnahiel.
