Pradpryjemstvam Biełarusi absalutna niedapuščalna pracavać na skład. Hetuju šmatznačnuju zajavu zrabiŭ siońnia Alaksandr Łukašenka na sustrečy z premjer‑ministram Siarhiejem Sidorskim i staršynioj praŭleńnia Nacyjanalnaha banka Piatrom Prakapovičam
Na sustrečy abmierkavana situacyja, jakaja składvajecca ŭ śviecie ŭ suviazi ź finansavym kryzisam.
Pakolki Biełaruś — kraina z ekspartaaryjentavanaj ekanomikaj, to i popyt na biełaruskuju pradukcyju ŭ śviecie ŭ cełym taksama padaje.
«Adnak absalutna niedapuščalna pracavać na skład. Kali my pazbavimsia abarotnych srodkaŭ, to pradpryjemstvy apynucca biez hrošaj, a pradukcyja budzie nierealizavanaja, lažać na składach. Ja chacieŭ by, kab heta patrabavańnie było daviedziena da ŭsich kiraŭnikoŭ», — padkreśliŭ kiraŭnik dziaržavy.
«Ja budu hladzieć, pačynajučy ad składoŭ, jakaja vytvorčaść, čym zajmajecca i, hałoŭnaje, jak pradaje pradukcyju, jakuju vyrablaje. I spasyłki na toje, što siońnia ciažka, niemahčyma pradać pradukcyju, nie prymajucca.
Ja jašče raz chaču paŭtaryć: kryzis — heta nie dla nas.Urad i ŭsie struktury ŭłady pavinny pierajści na režym Ministerstva handlu. Uvieś urad pavinien stać, vobrazna kažučy, Ministerstvam handlu», — padkreśliŭ Łukašenka.