«Niahledziačy na palityčnuju kanjunkturu, možna śćviardžać, što, atrymaŭšy nialohkuju histaryčnuju spadčynu,
my paśpiachova budujem biełaruskuju dziaržavu». Ab hetym kiraŭnik Administracyi prezidenta Biełarusi Uładzimir Makiej zajaviŭ siońnia ŭ Minsku na mižnarodnaj navukova‑praktyčnaj kanfierencyi «Biełaruś: etapy stanaŭleńnia dziaržaŭnaści». Upieršyniu za doŭhi čas čynoŭnik takoha ranhu zrabiŭ vystup pa-biełarusku.
Jon adznačyŭ, što raspad SSSR pastaviŭ pierad biełaruskim narodam niekalki histaryčnych alternatyŭ. Realizacyja niekatorych ź ich pryviała b da straty suvierenitetu i źniknieńnia Biełarusi z palityčnaj karty śvietu.
«Smutnaje dla krainy lichalećcie zaviaršyłasia ŭ 1994 hodzie z vybrańniem pieršaha prezidenta Biełarusi Alaksandra Łukašenki»,— skazaŭ kiraŭnik Administracyi prezidenta.
Biełaruskaja dziaržava ŭźnikła vyklučna pa voli naroda, miarkuje kiraŭnik Administracyi.
«Biełaruskaja dziaržaŭnaść nie była pryniesiena zvonku. Połackaje i Turaŭskaje kniastvy, Kijeŭskaja Ruś i Vialikaje kniastva Litoŭskaje — usio heta viechi našaj historyi, etapy stanaŭleńnia biełaruskaha etnasu», — skazaŭ jon.
Jon taksama padkreśliŭ, što Biełaruś jašče da vajny stała paŭnacennaj jeŭrapiejskaj dziaržavaj. «Z 6 nievialikich pavietaŭ Minskaj hubierni ŭ 1921 hodzie BSSR da 1939 hoda pieratvaryłasia ŭ davoli mocnuju jeŭrapiejskuju dziaržavu z nasielnictvam bolš jak 10 młn. čałaviek», — skazaŭ Uładzimir Makiej. Biełarusy pracavali ŭ tysiačach efiektyŭnych sielhaspradpryjemstvaŭ, na vysokatechnałahičnych zavodach, źjaviłasia Akademija navuk, univieristet, stvaralisia tvory mastactva.
