Adam Hłobus na adkryćci persanalnaj vystavy. Fota svaboda.org
U staličnaj art‑halerei «Padziemka» adčyniłasia pieršaja persanalnaja mastackaja vystava Adama Hłobusa.
Litaratar i knihavydaviec prymierkavaŭ hetuju padzieju da vychadu svajoj novaj knihi «PLAY.BY».
Raspačynajučy imprezu, Adam Hłobus byŭ lakaničny. Kaštoŭnaść novaj knihi, jakaja niadaŭna pabačyła śviet u pryvatnym vydaviectvie Ihara Łohvinava, pa słovach spadara Hłobusa, u tym, što jana vyjaŭlaje dačynieńni aŭtara z rasiejskaj kulturaj. Na prośbu patłumačyć, što jon mieŭ na ŭvazie, Adam Hłobus skazaŭ:
«Ad jaje treba nam, usim biełarusam, admovicca. Jana dla nas — nie etalon bolš».
Miarkujučy z popytu na imprezie na «PLAY.BY», hety pasył aŭtara dadaŭ prysutnym čytackaj intryhi. Tym bolš, što Adam Hłobus nie chavaŭsia za ścipłymi słovami samaacenki svajoj značnaści ŭ biełaruskaj kultury: «Siabie ja aceńvaju dobra. Moža, tamu, što ja — ehaist, a moža, tamu, što ja ciapier — u dobrym tvorčym stanie».
Vystava Adama Hłobusa ŭ «Padziemcy» budzie doŭžycca da 20 krasavika.Tamsama ŭ kniharni možna nabyć jahonuju novuju knihu «PLAY.BY» i inšyja vydańni biełaruskich litarataraŭ.
