Čarhovy fest «Rok pa vakacyjach», jaki mieŭ adbycca 2 vieraśnia, pieraniesieny na miesiac. Siońnia ŭ minskim kłubie «Reaktar» musili zajhrać «Drum Ecstasy», «Niejra Dziubiel», «Kramu», «Bieźbileta», «Avanhardškołu» i «Źmiaju». «Kancert pieraniesieny na 2 kastryčnika, pryčyny — techničnyja» — koratka patłumačyŭ arhanizatar festu Pavieł Kašyryn.
Fiestyval adnaho dnia «Rok pa vakacyjach» byŭ nadzvyčaj papularny ŭ 90-ch. Upieršyniu jon byŭ praviedzieny ŭ Parku Čaluskincaŭ u 1993 hodzie. Tady ideju bavicca rakenrołam i nie sumavać z nahody skančeńnia kanikułaŭ i pačatku navučalnaha hodu patrymali svajoj prysutnaściu niekalki tysiačaŭ studentaŭ i školnikaŭ. Usiaho adbyłosia 4 festyvali.
Udzieł u feście brali na piku svajoj papularnaści «Mroja», «Ulis», Krama, «Novaje Nieba», «Rublovaja zona» i«Zarcipo». Ciažka pavieryć: tady kancerty navat zdymała BT. Fiestyval «Rok pa vakacyjach» adnavili ŭ 2008 hodzie Hod tamu pad dacham KZ «Minsk» śpiavali «Krama», «Niejro diubiel», «Tarpač», «Kukły», «Hriunvald», «Flaus i Klajn», «Dietidietiej», «Ulis», «Kalmary», «Špital F» i «Tłusta łusta».
