Naša pieśnia charaša, pačynaj spačatku: siabry Mytnaha sajuzu (Rasija, Biełaruś, Kazachstan) damovilisia pra adnaŭleńnie pieramovaŭ pra ŭstupleńnie ŭ Suśvietnuju handlovuju arhanizacyju paasobku, ale «pry hetym u šerahu pytańniaŭ buduć havaryć adnym hołasam». Pra heta zajaviŭ kiraŭnik departamienta handlovych pieramovaŭ Ministerstva ekanamičnaha raźvićcia Rasii Maksim Miedviadkoŭ, pieradaje ahienctva ITAR-TASS.
Kiraŭniki SHA papiaredžvali Rasiju, što ŭstupleńnie tryma krainami technična vielmi składanaje i zamarudzić praces. Rasija paasobku prasunułasia ŭ pieramovach našmat dalej za Biełaruś. Jaje ŭstupleńnie ŭ SHA pryviadzie biełaruskuju haspadarku da peŭnych strataŭ.
Stvareńnie Mytnaha sajuzu troch krainaŭ źnižaje ich šancy na paŭnavartuju intehracyju ŭ Jeŭrasajuz. Toje maje asablivaje značeńnie dla Biełarusi jak adzinaj z toch krainaŭ, što maje pieradumovy dla hetaha.
