Maryna Vasileŭskaja pieradaje Łukašenku ściah, jaki pabyvaŭ u kosmasie. Skrynšot videa BiełTA
Pieršaja biełaruskaja kasmanaŭtka Maryna Vasileŭskaja pieradała Alaksandru Łukašenku dziaržaŭny ściah, jaki naviedaŭ Mižnarodnuju kaśmičnuju stancyju. Cyrymonija adbyłasia padčas uračystaha rytuału ŭšanavańnia dziaržaŭnych simvałaŭ, paviedamlaje BiełTA.
Siońnia, u druhuju niadzielu maja, u Biełarusi adznačajecca Dzień dziaržaŭnaha ściaha, hierba i himna. Hetaje śviata prymierkavana da praviedzienaha 14 maja 1995 hoda Łukašenkam refierendumu, pavodle vynikaŭ jakoha bieła-čyrvona-bieły ściah i hierb «Pahonia» byli zamienienyja na raniejšyja simvały savieckaj Biełarusi.
Maryna Vasileŭskaja na Dni dziaržaŭnaha ściaha, hierba i himna. Skrynšot videa BiełTA
Vasileŭskaja idzie za rotaj hanarovaj varty, jakaja niasie ściah. Skrynšot videa BiełTA
Maryna Vasileŭskaja razam z pradstaŭnikami moładzi pryniesła prysiahu na viernaść dziaržaŭnym simvałam. Paśla hetaha vajskovyja roty hanarovaj varty ŭručyli joj ściah, a Vasileŭskaja padniesła jaho Łukašenku. Ciapier ściah budzie zachoŭvacca ŭ Pałacy Niezaležnaści.
«Siońniašniaja simvolika nie tolki abjadnoŭvaje, ale i vystupaje krynicaj upeŭnienaści i ŭnutranaj siły. Naš hierb, ściah i himn, jak i ŭsia palityka, natchnionyja idejami nacyjanalnaj hodnaści i sapraŭdnaj demakratyi», — zajaviŭ Łukašenka ŭ čas mierapryjemstva.
Čytajcie taksama:
Kasmanaŭt Aleh Navicki pryjechaŭ u Bresckuju krepaść u Z-majcy FOTA
Kačanava sustrełasia z Marynaj Vasileŭskaj i nie ŭpuściła mahčymaści lišni raz pracytavać Łukašenku
