«U suviazi ź situacyjaj mnoj pryniata rašeńnie ab admienie zaniatkaŭ va ŭsich škołach, ustanovach siaredniaj adukacyi i dziciačych sadkach. Razumieju, što jość dzieci, jakich užo pryvieźli ŭ sadki, − ź imi buduć zajmacca vychavalniki datul, pakul małych nie zabiaruć baćki. Prašu ŭsich pastavicca da situacyi z razumieńniem», — napisaŭ Razvažajeŭ.
Jon taksama paviedamiŭ, što «śpiecyjalisty robiać usio mahčymaje, kab całkam adnavić pracu padstancyi «Sievastopal» paśla načnoj ataki», ale na heta spatrebicca bolš času − kala sutak.
U hety čas, sa słoŭ Razvažajeva, buduć «kropkavyja adklučeńni śviatła».
«Supracoŭniki kamunalnych słužbaŭ prykładajuć usie namahańni, kab adnavić pracu enierhasistemy jak maha chutčej», − padsumavaŭ čynoŭnik.