Raisi i Alijeŭ. Skryn videa
Viertalot, na borcie jakoha byŭ 63-hadovy Raisi, znachodzicca ŭ rajonie vioski Uzi. Heta ciažkadastupnaja hornaja miascovaść. Na pošuki Ibrachima Raisi adpravili 40 vyratavalnych bryhad.
Kiraŭnik MUS Irana paviedamiŭ padrabiaznaści ab avaryi viertalota z prezidentam.
«Z-za nadvorja i tumanu viertalotu z prezidentam pryjšłosia ździejśnić žorstkuju pasadku», — skazaŭ Achmad Vachidzi ŭ efiry dziaržaŭnaha telekanała IRIB.
Razam z Raisi padarožničali ministr zamiežnych spraŭ Irana Chasiejn Amirabdałachijan, hubiernatar iranskaj pravincyi Uschodni Azierbajdžan i inšyja aficyjnyja asoby i ciełaachoŭniki.
Dva viertaloty supravadžeńnia dalacieli ščasna, ale z prezidenckim viertalotam suviaź ustalavać pakul nie ŭdałosia. Pra los tych, chto znachodziŭsia na jaho borcie, ničoha nie viadoma.
Jak piša ahienctva Reuters, iranski čynoŭnik, imia jakoha nie nazyvajecca, zajaviŭ, što žyćci Raisi i ministra zamiežnych spraŭ «pad pahrozaj paśla krušeńnia viertalota».
«My ŭsio jašče spadziajemsia, ale infarmacyja, jakaja pastupaje ź miesca krušeńnia, vyklikaje vialikuju zaniepakojenaść», — skazaŭ čynoŭnik.
Raniej ahienctva Mehr pisała, što Raisi jedzie na aŭto u Tebryz, ale paśla vydaliła paviedamleńnie.
Pošukavaja apieracyja ŭskładniena z-za nadvorja. Z-za mocnaha tumanu pošuki viertalota z Raisi z pavietra prypynienyja. Pracujuć tolki piešyja hrupy.
Na telekanałach Irana pakazvajuć, jak tysiačy ludziej molacca za Raisi va ŭsich miačeciach krainy.
Niezadoŭha da krušeńnia Raisi sustrakaŭsia z prezidentam Azierbajdžana Ilchamam Alijevym na miažy krainy. Tam prachodziła ŭračystaja cyrymonija adkryćcia novych hidravuzłoŭ «Chudafieryn» i «Hyz-Hałasy» na race Araz.
Raisi pieramoh na prezidenckich vybarach u Iranie ŭ 2021 hodzie. Tyja vybary prajšli pry samaj nizkaj jaŭcy vybarščykaŭ za ŭsiu historyju Isłamskaj Respubliki. Raisi znachodzicca pad sankcyjami ZŠA zbolšaha z-za jaho datyčnaści da masavaha pakarańnia tysiač palityčnych źniavolenych u 1988 hodzie ŭ kancy krovapralitnaj Irana-Irakskaj vajny, dadaje ahienctva AP.
Čytajcie taksama:
Viertalot, na jakim lacieŭ prezident Irana, trapiŭ u avaryju
Zdaroŭje paranienaha słavackaha premjera palepšyłasia, a vykanaŭca zamachu pryznaŭ vinu
