Da 1 lipienia raźmieščanyja na terytoryi Biełarusi internet‑resursy, infarmacyjnyja sistemy i sietki daviadziecca zarehistravać. Hetym zojmucca pastaŭščyki interniet‑pasłuh — chostynh‑kampanii i pravajdery.
Takija normy pryvodziacca ŭ pastanovie Savieta Ministraŭ «Ab niekatorych pytańniach udaskanaleńnia vykarystańnia nacyjanalnaha siehmienta hłabalnaj kampjuternaj sietcy Internet» №644 ad 29 krasavika 2010 hoda.
U vypadku parušeńnia patrabavańniaŭ ukaza prezidenta ab internecie (u vykanańnie jakoha i pryniata pastanova)
akazańnie internet‑pasłuh mohuć prypynić na termin da miesiaca.
Da 1 lipienia zabiaśpiečyć dziaržrehistracyju resursaŭ daručana Ministerstvu suviazi i infarmatyzacyi, jakoje delehavaŭ funkcyi rehistratara BiełDzIE.
A pastaŭščykam interniet‑pasłuh pryjdziecca padavać infarmacyju ab tysiačach i dziesiatkach tysiač raźmieščanych u Biełarusi sajtaŭ. U tym liku, źviestki ab elektronnych skryniach, «partach transpartnych pratakołaŭ madeli ŭzajemadziejańnia adkrytych sistem», pieraliki sietkavych adrasoŭ, «źviestki ab pravach jurydyčnaj asoby abo indyvidualnaha pradprymalnika na nazvanyja resursy (prava ŭłasnaści, haspadarčaha viadzieńnia, apieratyŭnaha kiravańnia, arendy, biazvypłatnaha karystańnia ci inšyja) «i mnohija inšyja źviestki, jakija raniej nijak u damovach na raźmiaščeńnie sajtaŭ nie fiksavalisia.
Tak što stvaralnikam sajtaŭ varta čakać u chutkim časie abviestki ad chosteraŭ z prośbaj dać niedastajučyja źviestki albo padvierhnuć siabie ryzykaj adklučeńnia ad Interneta z 1 lipienia.
***
Akramia taho, z 1 lipienia ŭstupaje ŭ siłu novy paradak naviedvańnia i ŭliku naviedvalnikaŭ u punktach kalektyŭnaha karystańnia.
Zhodna z pastanovaj Saŭmina №646, u punkty kalektyŭnaha karystańnia internetam, u tym liku i internet‑kafe, buduć puskać paśla papiaredniaha paśviedčańnia asoby karystalnika.
Uliku padlahaje imia, imia pa baćku, proźvišča karystalnika, vyhlad i numar dakumienta, jaki dazvalaje identyfikavać asobu i najmieńnie orhana, jaho vydaŭ.
Adnačasova z hetym va ŭsich punktach kalektyŭnaha karystańnia internetam (PKK, internet‑kafe i h.d.) budzie ažyćciaŭlajecca identyfikacyja abanienckich pryład šlacham viadzieńnia elektronnych časopisaŭ, kudy pavinny zanosicca ŭsie źviestki pra abanienckija pryłady (MAS‑adras, IP‑adrasy), data, čas praviadzieńnia padłučeńniaŭ, IP‑adrasy internet‑resursaŭ, da jakich źviartaŭsia karystalnik.
Usia infarmacyja ab karystalniku i historyja jaho znachodžańnia ŭ Siecivie budzie zachoŭvacca ŭpaŭnavažanymi asobami na praciahu jak minimum hoda.
Infarmacyja nie padlahaje ahałošvańniu, adnak orhany, jakija pravodziać śledča‑vyšukovyja mierapryjemstvy, majuć prava zapatrabavać nazvanuju vyšej infarmacyju ŭ kiraŭnikoŭ internet‑kłubaŭ i PKK.
