Rasija adramantuje biełaruskija abjekty supraćpavietranaj abarony

U adpaviednaści z zajaŭkami ad Armienii, Biełarusi, Kazachstana i Uźbiekistana kancern SPA «Ałmaz-Antej» (Rasija) prapracoŭvaje pytańnie ab pastaŭkach u hetyja krainy zapčastak dla techniki SPA.

Ab hetym było zajaŭlena 13 lipienia ŭ Maskvie na pasiadžeńni kaardynacyjnaha kamiteta pa pytańniach SPA pry Saviecie ministraŭ abarony SND.

Taksama prapracoŭvajecca pytańnie ab ramoncie kamplektujučych da ZRK S-300 PS rasijskimi śpiecyjalistami.

Zhodna z płanam sumiesnych mierapryjemstvaŭ apieratyŭnaj i bajavoj padrychtoŭki ŭ ramkach abjadnanaj sistemy SPA krain SND, na kastryčnik 2010 zapłanavana kamandna-štabnaja treniroŭka z orhanami kiravańnia i dziažurnymi pa SPA abjadnanaj sistemy SPA SND, a taksama šerahu kamandna-štabnych trenirovak.

Na pasiadžeńni taksama była dadziena acenka sistemie SPA Biełarusi. «Namahańniami urada, Ministerstva abarony i kamandavańnia VPS i SPA Biełarusi ŭdałosia zachavać i paśpiachova raźvivać sistemu supraćpavietranaj abarony hetaj krainy», — havorycca ŭ raspaŭsiudžanym pres-relizie. «Hetaja sistema siońnia źjaŭlajecca adnoj z samych mahutnych u Jeŭropie», — adznačajecca ŭ dakumiencie.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH