Svajaki zahinułaj ad kuli milicyjanta dziaŭčyny źviarnulisia ŭ Pravaabarončy centar «Viasna». Jany zajavili, što nia vierać u aficyjnuju versiju trahiedyi, što milicyjant vypadkova vystraliŭ u hałavu.
Pravaabaroncy ličać, što nieabchodna pravieści hramadzkaje nazirańnie za chodam raśśledavańnia hetaj kryminalnaj spravy.
U kupalskuju noč učastkovy milicyjant śmiarotna paraniŭ ź pistaleta dziaŭčynu. Pavodle infarmacyjnych ahiencyj, pozna ŭviečary troje milicyjantaŭ pasadzili troch miascovych dziaŭčat da siabie ŭ aŭtamašynu i pajechali ź imi ŭ miastečka Doŭsk. U aŭtamašynie ŭčastkovy inspektar śmiarotna paraniŭ z tabelnaha pistaleta
Homielskaja abłasnaja prakuratura raspačała kryminalnuju spravu pavodle častki 1 artykułu 14 i artykułu 139 Kryminalnaha kodeksu — zamach na złačynstva j zabojstva. Viadziecca śledztva. Učastkovy milicyjant zatrymany.
Jamu 34 hady, jon žanaty, maje dvaich dziaciej. Žyvie ŭ Doŭsku, a pracuje ŭčastkovym milicyjantam u Kurhanskim sielskim saviecie. Adnačasova tut jon źjaŭlajecca j sielskim deputatam.
Svajaki zahinułaj raspaviali pravaabaroncam z Homiela Leanidu Sudalenku i Anatolu Papłaŭnamu, što im prapanujuć hrošy.
«Zaraz razmovy pra hrošy vyhladajuć prosta pa-bluźniersku. Naša pravavaja pazycyja zaklučajecca ŭ tym, što maralnuju škodu ad złačynstva možna budzie spahnać niepasredna z MUS, dzie słužyŭ milicyjant. U pieršuju čarhu nieabchodna pierakanacca, što papiaredniaje raśśledavańnie dadzienaj kryminalnaj spravy praviedziena abjektyŭna, kab ni ŭ kaho nie ŭźnikała pytańniaŭ. Mienavita takoha rodu jurydyčnyja kansultacyi dadzienyja z našaha boku svajakam zahinułaj, — skazaŭ A.Papłaŭny, paviedamlaje sajt «Viasny».
Pravaabaroncy zajavili, što arhanizujuć niezaležnaje nazirańnie za raśśledavańniem hetaj kryminalnaj spravy i ŭ vypadku nieabchodnaści akažuć siamji zahinułaj jurydyčnuju dapamohu, u tym liku i ŭ pošukach niezaležnaha ad miascovaj ułady advakata.
