«Mianie ŭsio bolš padšturchoŭvajuć, kab ja niejak reahavaŭ na toje, što adbyvajecca ŭ dačynieńni da mianie i da Biełarusi. Ja na hety brud adkazvać nie źbirajusia», — zajaviŭ Alaksandar Łukašenka.
Havoračy pra pakazanyja pa rasiejskich telekanałach filmy, jon zajaviŭ: «Usio, što vy bačyli — heta tyčycca nie Biełarusi i nie biełaruskaha prezydenta. Heta film pra ich, jany chočuć, kab i ŭsie takija byli (…) Tamu nijakaj reakcyi ŭ Biełarusi na hety brud my nie dapuścim, kolki b jany ni stvarali hetych filmaŭ».
«Absalutna nijakaha kanfliktu pamiž Rasiejaj i Biełaruśsiu niama, absalutna nijakaha kanfliktu pamiž rasiejcami i biełarusami niama i być nia moža. Usio, što adbyvajecca — absalutna subjektyŭna. Heta kanflikt asobaŭ, i tamu vy jaho tak i ŭsprymajcie», — zajaviŭ kiraŭnik Biełarusi na sustrečy z hubernataram Kurskaj vobłaści Rasiei Alaksandram Michajłavym.
«Słuchajcie, śviet vializny. I varta tolki pačać ruchacca ŭ patrebnym kirunku, i Biełaruś u adzinočku nie zastaniecca. Tolki nia viedaju, ci budzie heta vyhadna kiraŭnictvu Rasiejskaj Federacyi», — cytuje Interfaks słovy Łukašenki.
Raniej rasiejskaja telekampanija «NTV» pakazała dakumentalnyja filmy «Chrosny baćka» 1, 2, 3 pra žyćcio Alaksandra Łukašenki i jahonaha atačeńnia.
22 žniŭnia kandydat na prezydenta na vybarach 2006 hodu, były palitviazień Alaksandar Kazulin daŭ interviju prahramie «Biez kupiur» na kanale NTV.
Biełaruskaja telebačańnie ŭ svaju čarhu pakazała interviju z prezydentami Hruzii Michaiłam Saakašvili i Łatvii — Vałdzisam Zatlersam. Dziaržaŭnyja hazety «Respublika» i «Źviazda» nadrukavali krytyčnyja artykuły pra ciapierašniaje kiraŭnictva Rasiei.
