Lider Ruchu «Za Svabodu» źviarnuŭsia da mižnarodnaj supolnaści z zaklikam zrabić prazrystaść padliku hałasoŭ hałoŭnym kryteram acenki vybaraŭ.
Alaksandr Milinkievič u liście da kiraŭnikoŭ dypłamatyčnych misijaŭ krainaŭ ABSIE, u BDIPČ ABSIE, u Radu Jeŭropy, Jeŭrapiejski parłamient i Jeŭrapiejskuju kamisiju akcentuje ŭvahu na nieabchodnaj umovie dla pryznańnia nadychodziačych biełaruskich vybaraŭ jeŭrapiejskaj supolnaściu.
Alaksandr Milinkievič adznačaje, što miascovyja vybary, to prajšli ŭ krasaviku, pierakanaŭča prademanstravali fasadnaść i niedastatkovaść źmienaŭ vybarčaha zakanadaŭstva Biełarusi.
Na dumku lidera Ruchu «Za Svabodu», sapraŭdnyja paŭnavartasnyja vybary moža zabiaśpiečyć adno demakratyčnaja pracedura ich praviadzieńnia. Heta značyć — uklučeńnie ŭ skład vybarčych kamisij usich uzroŭniaŭ pradstaŭnikoŭ usich kandydataŭ.
Milinkievič prapanuje razhladać uklučeńnie ŭ skład vybarčych kamisijaŭ pradstaŭnikoŭ usich kandydataŭ hałoŭnym kryteram pryznańnia vybaraŭ.
«U hetaj suviazi prašu Vas pry acency Vybarčaha Kodeksu i vynikaŭ vybaraŭ u Biełarusi ličyć prava na uklučeńnie pradstaŭnikoŭ niezaležnych kandydataŭ u kamisii ŭsich uzroŭniaŭ fundamientalnym kryteram ich prazrystaści. Koratka patrabavańnie prostaje: ličym hałasy razam!», − piša Alaksandr Milinkievič.
10 žniŭnia Milinkievič źviarnuŭsia z zaklikam da pałaty pradstaŭnikoŭ. Jon prapanuje padčas niečarhovaj siesii, što sklikajecca 7 vieraśnia, pryniać papraŭku ŭ Vybarčy kodeks, jakaja budzie harantavać kožnamu niezaležnamu kandydatu ŭ prezidenty najaŭnaść jaho pradstaŭnikoŭ u vybarčych kamisijach usich uzroŭniaŭ.
