1. Niama seksu — jość prablema
Historyi pra busłoŭ i kapustu adyšli ŭ niabyt — ciapier baćki amal nie chavajuć, što ciažarnaść nastupaje paśla taho, jak «śpiermatazoid sustreŭ jajcakletku, i stul płod pačaŭ raści ŭ matčynym žyvatku». Adnak niahledziačy na ščyraść i adkrytaść u pytańniach apładnieńnia, dahetul isnuje źbiantežanaść u aśviatleńni seksualnaha žyćcio padčas ciažarnaści.
Hramadstva stavicca da ciažarnaj jak da budučaj maci, jakaja chutka budzie daryć ciepłyniu j luboŭ. Ale ž žančyna pry hetym zastajecca žančynaj.
2. Jak usio budzie
Što ž adbyvajecca z žanočaj pažadaj padčas ciažarnaści? Napačatku ciažarnaści žančyna zaznaje źnižeńnie pociaha, i ŭ jaje źmianšajecca zdolnaść dachodzić da arhazmu. Młość, mlavaść — ułaścivyja pieršym miesiacam ciažarnaści i mohuć častkova toje niežadańnie rastłumačyć. Jość i inšyja pryčyny — psichałahičnyja. Miž tym luboščy padčas pracesu ciažarnaści dazvalajucca i nie viaduć da paškodžańnia płoda.
U druhoj tracinie pieryjadu ciažarnaści seksualnyja adčuvańni, jak praviła, palapšajucca, u asnoŭnym dziakujučy pačućciam radaści i paŭnaty žyćcia. Napuchłaść smačkoŭ i mahutnaje zabieśpiačeńnie kryvioju vobłaści tazu dajuć pačućcio ciapłyni, jakoje padobnaje da połavaha ŭzrušeńnia. Nie zabudziemsia taksama pra svabodu ad supraćzačatkavych srodkaŭ.
Ale jość mužčyny i žančyny, jakija niepakojacca, što połavaja aktyŭnaść moža pryvieści da zaŭčasnych rodaŭ. Praŭda, daśledavańni nie vyjavili prostaj suviazi pamiž luboščami i arhazmam dy zaŭčasnymi rodami.
3. Što možna (z)rabić?
A jak ža seksualnyja pastavy, ź imi padčas ciažarnaści jak? Tut ustupaje žaleznaje praviła sieksołahaŭ: «Pozu, jakaja zručnaja aboim partnioram, mianiać nie varta». Kali žyvot zaminaje, možna vybrać inšyja pastavy: žančyna kładziecca na bok, a mužčyna apynajecca zzadu. Abo poza «vieršnicy». Klučavyja słovy tut: aby było dobra žančynie.
A što paśla rodaŭ? U pieršyja miesiacy žyćcia niemaŭlaci volnaha času ŭ maładoj mamy ź jaje składanym hrafikam kramleńniaŭ i snu budzie značna mienš, čym u ciažarnaj. Da taho ž, nakładajecca častaja psichałahičnaja depresija hetaha pieryjadu. Tamu ad muža ŭ hety čas patrabujecca ŭvaha, ciarpieńnie, łaska i dapamoha.
