Rasijski pasoł Alaksandr Surykaŭ nie čakaje «stratehičnych sprečak» pamiž Biełaruśsiu i Rasijaj pa hazavym pytańni. Pra heta dypłamat zajaviŭ 7 vieraśnia žurnalistam u Minsku.
«Hazavyja kantrakty padpisany, uklučajučy 2011 hod. Z nahody čaho pieramovy, kali kantrakty padpisany? Umovy pastavak ahavorany, tam ahavorany absalutna ŭsie rečy», — skazaŭ Surykaŭ.
Pasoł padkreśliŭ, što isnuje nie tolki hazavy kantrakt pamiž «Hazpromam» i «Biełtranshazam», ale i miemarandum, padpisany ŭ svoj čas prezidentami Rasii i Biełarusi. «U hetym miemarandumie havorycca, što adno z najvažniejšych dziejańniaŭ — heta vykanańnie hazavych kantraktaŭ. Stratehičnych sprečak nie budzie», — zajaviŭ Surykaŭ.
Jon taksama adznačyŭ, što paśla apošniaha hazavaha kanfliktu Biełaruś apłačvaje pastaŭki stroha ŭ adpaviednaści z kantraktam.
0
0
0
0
0
0