Staršynia Maładoha Frontu — ab prezidenckaj kampanii ŭ Biełarusi.
Źmicier Daškievič. fota Julii Daraškievič, «Naša Niva»\NN.BY.
Jašče niekalki miesiacaŭ tamu ŭsie analityki schilalisia da dumki, što pieradvybarčaja sytuacyja ŭ Biełarusi stabilnaja i dla demakrataŭ biespraśvietnaja. Adnak płaŭnaje pieraciakańnie ekanamičnaje vajny
Bajacca prarasiejskaha kandydata, toje ž samoje, što bajacca vaŭkoŭ dy nie chadzić u les.Tamu ŭ dadzienaj sytuacyi lepš i na vybary nie chadzić, dy i palitykaj uvohule nie zajmacca. Strašna ž: pryjdzie rasiejski miadźviedź i ŭsich zadziareć.
Demakratam treba zrazumieć toje, što zrazumieła lubomu zdarovamu čałavieku ŭ našaj krainie: rasiejski ŭpłyŭ jašče hadoŭ 50 (i dobra kali tolki 50) budzie adnym z vyrašalnych uhramadzka-palityčnym žyćci Biełarusi.
Adrazu paśla krachu režymu Łukašenki siudy pryjdzie Rasieja. Pryjdzie, kab realizoŭvać svaje nacyjanalnyja intaresy — kab skupić nia skuplenyja pry Łukašenku
Dla paślałukašenkaŭskich palityčnych raskładaŭ niama nijakaje roźnicy, čyje hrošy paŭpłyvajuć na viartańnie Biełarusi da kanstytucyjnaści: ci viartańnie hetaje budzie ažyćciaŭlać paet za rasiejskija hrošy, ci hałoŭny ŭzakońvalnik prastytucyi — za bruselskija, ci navat sanitarka — za svaje.
Kali niechta maje iluzii, što heta nia tak, davajcie hlaniem na krainy Prybałtyki. Tłumačyć roźnicu samaśviadomaści pamiž nami i prybałtyjskimi narodami nie vypadaje, ale navat tam prarasiejskija palityčnyja siły damahajucca vielmi značnych pieramohaŭ.
Tak prarasiejskaja «Centrycskaja partyja Estonii» kiruje Talinam i na parlamenckich vybarach maje druhoje miesca ŭ parlamencie.
Prarasiejskaja «Partyja pracy» pieramahła na parlamenckich vybarach u Litvie ŭ 2004 hodzie i chacia raźbita emihracyjaj u Rasieju dy pieraśledam svajho lidera Ŭspanskich, ništo nie pieraškadžaje adnaŭleńniu prarasiejskich siłaŭ pad novaju «šapkaju» i ich pieramozie na parlamenckich vybarach 2012 hodzie.
Prarasiejskaje abjadnańnie palityčnych partyjaŭ Łatvii «Centar zhody» pieramahło na apošnich miascovych vybarach u Ryzie i kiruje stalicaju, a supolna jašče z adnoj partyjaj — «Za pravy čałavieka ŭ adzinaj Łatvii», prarasiejskija siły stabilna majuć 20% padtrymki na parlamenckich vybarach, a na vybarach u Eŭraparlament razam uziali ŭsie 30%. I heta navat pry 15% łatvijskich «niehramadzianaŭ».
Naŭrad ci mnohija z tych palitykaŭ i palitolahaŭ, jakija tak uparta harłaniać ab «prarasiejskim kandydacie» i kolery jahonych hrošaŭ, mohuć nia viedać palitkuchni susiednich krainaŭ. Nia dumaju taksama, što niechta ź ich admoviŭsia b uziać paru miljončykaŭ na źviaržeńnie Haranta stabilnaści, kali b im toje prapanavali eŭrapiejskaj kapustaj, jakaja raście nie ŭ Bruseli, a ŭ Maskvie. I chutčej za ŭsio najbolš zaciata hałosić ab žachlivych rasiejskich hrošach jak raz toj, chto sam vielmi łasy na ich byŭ by, dy ci silonak małavata ich zdabyć, ci mazhoŭ.
Dachodzić da takoha marazmu, što niekatoryja prapanujuć padtrymać u hetaj kałatniečy kiraŭnika troch antykanstytucyjnych pieravarotaŭ.Maŭlaŭ tolki jon abaronić našyja intaresy. Kali ž jon sapraŭdy taki abaronca, dyk dzie jon byŭ hetyja 16 hadoŭ? Ci nia jon niščyŭ i praciahvaje niščyć usio śviatoje dla biełaruskaha narodu — ściah, movu, chramy? Ci nia jon ździajśniaŭ 16 hod naturalny hienacyd biełaruskaha narodu, kali my dažyli da taho, što na kožny abłasny horad pa adnym biełaruskamoŭnym školniku?!
Usio brachnia — Łukašenka nikoli nia byŭ patryjotam Biełarusi i nikoli im nia budzie. Heta — mankurt, u jakoha niama ničoha śviatoha, aproč svajoj ułady.
Tak, tearetyčna moža źjavicca i horšy za Łukašenku palityk. Ale nichto mnie nie dakaža, što ŭ dadzienaj sytuacyi paet ci sanitarka buduć žachliviejšymi za jaho.
Rasiejski vyklik, jak i mnohija inšyja vykliki, paŭstanuć pierad nami ŭ lubym vypadku. I tady, u adpaviednaści z časam i nieabchodnaściu, my budziem na ich reahavać. Dla hetaha niechta i prydumaŭ demakratyčnyja pracedury. I kali my nia zdolejem abaranić i adstajać nacyjanalnyja intaresy Biełarusi demakratyčnymi mechanizmami — nul nam usim košt. Treba skručvać šarmanki pad nazvaju «partyi» i «hramadzkija ruchi» dy svalvać, sastupiŭšy darohu tym, chto moža i maje žadańnie.
Kali ž u Biełarusi jość, aproč adnaho, palityki zdolnyja prymać vykliki i na ich adkazvać, davajcie kiniem viešać adzin na adnaho jarłyki.
Davajcie kožny zojmiecca svajoju taktykaju i stratehijaj, a sustreniemsia ŭsie na «Płoščy». A paśla raźbiaromsia i z rasiejskimi vektarami, i z zachodnimi.Nia viedaju jak chto, a ja pierakanany, što na svabodnym rynku idejaŭ my zdolejem nia tolki adstajać, ale i adradzić spravu Biełaruščyny. Tamu,
