Rasija rasceńvaje praviedzienuju ZŠA ŭ Pakistanie apieracyju pa likvidacyi lidera "Al-Kaidy" Asamy bien Ładena adpaviednaj mižnarodnamu pravu, zajaviŭ kiraŭnik MZS Rasii Siarhiej Łaŭroŭ.
«Naša pazicyja vielmi prostaja. Paśla 11 vieraśnia 2001 hoda Saviet Biaśpieki pryniaŭ rezalucyju, u jakoj vyrazna pryznaŭ prava ZŠA na samaabaronu ŭ adpaviednaści z artykułam 51 statuta AAN, bo heta byŭ napad na krainu-čalca AAN. Jakich-niebudź abmiežavańniaŭ prava na samaabaronu nie praduhledžvaje», -- skazaŭ Łaŭroŭ.
Jon pryznaŭ, što «tut jość pole dla pytańniaŭ, i žurnalisty (u tym liku amierykanskija) hetyja pytańni zadajuć». «Ale paŭtaru, što tyja, chto apieracyju (pa źniščeńni bien Ładena) ažyćciaŭlaŭ, mieli pad saboj tryvałuju pravavuju bazu ŭ vyhladzie prava na samaabaronu pa Statutu AAN, paćvierdžanaha da taho ž u rezalucyi Savieta biaśpieki», - skazaŭ na zakančeńnie ministr.
Raniej u sieradu na pasiadžeńni Savieta biaśpieki prezident Dźmitryj Miadźviedzieŭ adobryŭ likvidacyju bien Ładena, zajaviŭšy, što heta maje prostaje dačynieńnie da biaśpieki Rasii.
