Były kandydat u prezidenty Ryhor Kastusioŭ ličyć, što za namieram atrymać «najbolš smačnyja kavałački» biełaruskaj ekanomiki Maskva z 1 lipienia zapatrabuje ŭviadzieńnia na terytoryi Biełarusi rasijskaha rubla.
«Rasija daść kredyt — na svaich umovach, naturalna, — pieradača majomaści. Havorka idzie ab «Biełtranshazie», pradpryjemstvach naftapierapracoŭki, a taksama chodziać čutki, što Rasija patrabuje pieradać joj ŭčastak Biełaruskaj čyhunki ad Oršy da Bresta. Pakul heta tolki čutki. Rezierv u Łukašenki — majomaść — pakul jość. Tamu, dumaju, udasca atrymać kredyt, mahčyma, nie ŭ takich abjomach, jak chacieli b. A dalej — paśla ŭstupleńnia ŭ siłu Mytnaha sajuza z 1 lipienia pojdzie razmova ab uviadzieńni rasijskaha rubla na terytoryi Biełarusi», — ličyć palityk.
Ryhor Kastusioŭ ličyć, što «kredyt patrebien, kab spynić padzieńnie biełaruskaha rubla».
Za košt rasijskaha kredytu, mahčyma, i atrymajecca prypynić na niekatory čas padzieńnie rubla, ale inšaha vyjścia, akramia jak refarmavańnie ekanomiki — u biełaruskaj ułady niama.
