U suviazi z vykanańniem rabot pa pakryćci prajeznaj častki vulicy Vaniejeva asfaltabietonam na ŭčastku ad raki Śvisłač da praśpiekta Rakasoŭskaha časova źmianiajucca maršruty tralejbusaŭ. Pra heta paviedamili ŭ HU «Staličny transpart i suviaź».
4 i 5 červienia ruch tralejbusaŭ maršrutu № 19 arhanizujecca ŭ abodvuch napramkach pa praśpiekcie Rakasoŭskaha, vulicy Kašavoha, praśpiekcie Partyzanskim, vulicy Aranskaj. Ruch tralejbusaŭ maršrutu № 23 arhanizujecca ŭ abodvuch napramkach pa vulicy Aranskaj, praśpiekcie Partyzanskim da płoščy Vaniejeva. Tralejbusny maršrut № 20 zakryvajecca. Budzie pavialičana kolkaść tralejbusaŭ, što pracujuć na maršrucie № 30.
Z metaj kampiensacyi źniataha tralejbusnaha maršrutu arhanizujecca časovy aŭtobusny maršrut № 192 «Aŭtavakzał „Uschodni“ — Vakzał» z ruchańniem pa vulicach Vaniejeva, Dzianisaŭskaj, Majakoŭskaha, Śviardłova, Uljanaŭskaj, Babrujskaj u pramym napramku i pa vulicach Babrujskaj, Kirava, Śviardłova, Majakoŭskaha, Dzianisaŭskaj, Vaniejeva ŭ advarotnym napramku. Pasažyram, jakija majuć šmatrazovyja dakumienty na prajezd u tralejbusie, budzie dadziena prava prajezdu ŭ časovym aŭtobusnym maršrucie № 192.
