Haspadaru hetaha katedžu taksama pahražaje kanfiskacyja
Fota Julii Daraškievič
Ukaz prezydenta №87, što ŭstupić u siłu 1 krasa- vika, u jakaści hałoŭnaj miery pa skaračeńni abjomaŭ niezavieršanaha budaŭnictva damoŭ i leciščaŭ zamacavaŭ adbirańnie hetych damoŭ. Najpierš kanfiskujuć budynki, što mieściacca bližej za 500 m ad respublikanskich aŭtadaroh.
U Biełarusi ŭviedzieny paniatak «terminy budaŭnictva». Kali za try hady ad momantu atrymańnia dazvołu haspadaru ŭčastku nie ŭdałosia dabudavać chatu — jaje vykupić albo pradaść z publičnych tarhoŭ dziaržava. Pryčym aceńvaje budynak taksama jana. Jak paviedamili «NN» u Dziaržkamitecie pa ziamielnych resursach, haspadaru niedabudavanaj chaty, naprykład, u Baraŭlanach, paśla takoj acenki na ruki vydaduć nia bolš za 10 tys. dalaraŭ u ekvivalencie (u toj čas, jak siaredni košt damka ŭ tym rajonie siahaje $200 tys.).
Da 1 krasavika 2009 h. miascovym orhanam ułady nakazana vyjavić niedabudavanyja žyłyja damy — i tady byvaj, nieruchomaść. Pavodle acenak niezaležnych ekspertaŭ u halinie nieruchomaści, užo da kanca 2009 h. da 30% niedabudavanych damoŭ i leciščaŭ moža apynucca ŭ dziaržaŭnaj ŭłasnaści.
Jość, praŭda, palohka dla tych, čyje damy stajać dalej čym na adlehłaści ŭ paŭkilametra ad respublikanskich daroh. Dla ich praduhledžanaja mahčymaść kanservacyi budaŭnictva na termin jašče da troch hod.
