Brytanski samalot ažyćciaviŭ avaryjnuju pasadku ŭ Breście +fota 1

Brytanski samalot avaryjna pryziamliŭsia ŭ Breście. Fota MNS.

Jak paviedamiŭ pres-sakratar Ministerstva pa nadzvyčajnych situacyjach Biełarusi Vital Navicki, 26 lipienia ŭ 18.36 paviedamleńnie ab avaryjnaj pasadcy pavietranaha sudna British Aerospace BAe-125 pastupiła ŭ centr apieratyŭnaha kiravańnia pry Bresckim abłasnym upraŭleńni MNS ad dyśpietčara Bresckaha filijała dziaržaŭnaha pradpryjemstva «Biełaeranavihacyja».

Samalot naležyć pryvatnaj kampanii United Airgroup Corp, prapisany na vostravie Men (Vialikabrytanija). Pavietranaje sudna pierahaniaŭ z aeraporta francuzskaha horada Nica ŭ aeraport Damadziedava ŭ Maskvie rasijski ekipaž u składzie troch čałaviek.

U 18.38 samalot paśpiachova ažyćciaviŭ pasadku. Paciarpiełych niama. Dapamoha ratavalnikaŭ nie spatrebiłasia. Jak miarkujecca, pryčyna avaryjnaj pasadki — spynieńnie pracy hienieratara levaha ruchavika.

Pavodle słoŭ Navickaha, MNS nie vałodaje infarmacyjaj ab dalejšym pieramiaščeńni samalota.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH