Termin zaviaršeńnia budaŭnictva žyłych damoŭ i dač u Biełarusi budzie abmiežavany 3 hadami. Adpaviedny ŭkaz numar 520 «Ab niekatorych mierach pa ŭdaskanaleńniu adnosin u halinie budaŭnictva, adabrańnia i pradastaŭleńnia ziamielnych učastkaŭ» 11 listapada padpisaŭ Alaksandr Łukašenka.
Dakumient pryniaty ŭ metach raźvićcia indyvidualnaha žyllovaha budaŭnictva, a taksama skaračeńnia kolkaści nie zavieršanych budaŭnictvam žyłych damoŭ, dač, udaskanaleńnia rehulavańnia adnosin u halinie achovy i vykarystańnia ziamiel.
Ukazam praduhledžvajecca adnaŭleńnie z 1 sakavika 2012 hoda dziejańnia ŭkaza ad 7 lutaha 2006 hoda № 87 «Ab niekatorych mierach pa skaračeńni nie zavieršanych budaŭnictvam niezakansiervavanych žyłych damoŭ, dač» i zamacavańnie ŭ hetym ukazie trochhadovaha terminu budaŭnictva žyłych damoŭ, dač. Pry hetym ustanaŭlivajecca, što z ulikam materyjalnaha stanovišča hramadzianina i inšych uvažlivych pryčyn nazvany termin budaŭnictva moža być padoŭžany miascovym vykankamam, ale nie bolš jak na dva hady.
Taksama praduhledžvajecca abaviazak ziemlekarystalnikaŭ, jakija nie majuć mahčymaści zaviaršeńnia budaŭnictva žyłoha doma, dačy, na praciahu ŭstanoŭlenaha terminu, ažyćciavić kansiervacyju nie zavieršanych budaŭnictvam abjektaŭ i dobraŭparadkavańnie ziamielnych učastkaŭ. Termin takoj kansiervacyi nie moža pierasiahać troch hadoŭ.
Na miascovyja vykanaŭčyja orhany ŭskładajecca abaviazak pa vyjaŭleńni žyłych damoŭ, dač, budaŭnictva jakich nie zavieršana va ŭstanoŭlenyja terminy, i pryniaćciu mier pa kanfiskacyi adpaviednych ziamielnych učastkaŭ.
Taksama zhodna z ukazam pracedury adabrańnia i pradastaŭleńnia ziamielnych učastkaŭ ź ziamiel sielskahaspadarčaha pryznačeńnia dla met, nie źviazanych z pryznačeńniem hetych ziamiel, pieravodu takich ziamiel u inšyja katehoryi buduć ažyćciaŭlacca abłvykankamami tolki paśla ŭzhadnieńnia z prezidentam Biełarusi miesca raźmiaščeńnia adpaviednych ziamielnych učastkaŭ. Nazvanaja miera nakiravana na zachavańnie sielskahaspadarčych ziamiel, ich dbajnaje i metavaje vykarystańnie, niedapuščeńnie nieapraŭdanaha vyklučeńnia ź sielhasabarotu.
