Šou projdzie ŭ spartyŭna-kancertnym kompleksie imia Karena Dziemirčana «Amalir». Viadučyja — Haar Hasparan i Aviet Barsiehian. Adkryje konkurs vystupleńnie Rasii. Zatym vystupiać vykanaŭcy z Łatvii i Małdovy. Pradstaŭnik Armienii praśpiavaje čaćviortym, pad numaram piać vystupić Bałharyja, šeść — Litva, siem -Ukraina, vosiem — Makiedonija, dzieviać — Niderłandy, dziesiać — Biełaruś, adzinaccać — Šviecyja, dvanaccać — Hruzija. Zavieršyć vystupleńni ŭdzielnikaŭ Bielhija.
Pradstaŭnica Biełarusi była adabranaja pa vynikach hałasavańnia žury i hledačoŭ pry praviadzieńni respublikanskaha dziciačaha konkursu «Pieśnia dla «Jeŭrabačańnia», jaki arhanizoŭvała Biełteleradyjokampanija.
Jak paviedamlajecca na jaje sajcie,
Lidzija Zabłockaja ŭpieršyniu vyjšła na scenu va ŭzroście 4 hadoŭ i z taho času paśpiachova ŭdzielničała ŭ šmatlikich konkursach.
U 2010 hodzie jana pasprabavała svaje siły ŭ nacyjanalnym adboračnym tury «Pieśnia dla «Jeŭrabačańnia» i zaniała čaćviortaje miesca, a praz hod padniałasia na pieršuju stupieńku.
Lidzija paśpiachova sumiaščaje vučobu ŭ 8-m kłasie himnazii ź ihroj na fartepijana i zaniatkami vakałam u studyi «Natchnieńnie». Tvorčyja pamknieńni dziaŭčynki padtrymlivaje jaje siamja, u Lidzii jość małodšyja brat i siastra — dvajniaty.
