Redakcyi «Borisovskich novostiej» nie pryvykać da pieratrusaŭ. Fota Baj.by
U hałoŭnaha redaktara haziety «Borisovskije novosti» Anatola Bukasa prajšoŭ pieratrus. «Mnie patelefanavali ź milicyi i skazali, što buduć pravodzić pieratrus u maim haražy, — raspavioŭ hałoŭny redaktar «Borisovskich novostiej» Anatol Bukas. — Pry hetym na majo pytańnie, čamu pravodzicca pieratrus i što buduć šukać, milicyjanty skazali: «Pryjazdžajcie, tam daviedajeciesia». Akazałasia, što niechta patelefanavaŭ u milicyju i skazaŭ, byccam u mianie ŭ haražy zachoŭvajucca skradzienyja aŭtazapčastki. Ničoha akramia niepradadzienych i śpisanych asobnikaŭ haziety tam vyjaŭlena nie było».
Adnak nieŭzabavie paśla hetaha incydentu
ŭ miascovaj vykankamaŭskimi haziecie «Adzinstva» źjaviŭsia dziŭny artykuł pad nazvaj «Tak jaki ž realny nakład?», u jakim raspaviadajecca ab udziele karespandentaŭ hetaha vydańnia ŭ pieratrusie haražahałoŭnaha redaktara «Borisovskich novostiej» Anatola Bukasa.
«Karespandenty vykankamaŭskaŭ haziety zrabili z hetaha “siensacyju”, maŭlaŭ, naša hazieta nie karystajecca papularnaściu, a rekłamadaŭcy, nibyta, vykidvajuć hrošy na viecier, dajučy rekłamu ŭ «BN». Ja budu padavać u sud na «Adzinstva», pakolki naniesiena škoda dziełavoj reputacyi našaha vydańnia», — kaža Bukas.
Darečy, heta nie pieršy vypad u adras niezaležnaha vydańnia, paviedamlajuć pravaabaroncy.
Tak, u «Adzinstvie» miesiac tamu źjaviłasia publikacyja, u jakoj čytačoŭ infarmavali ab tym, što žychary doma, dzie raźmiaščajecca redakcyja «BN», prychodzili na pryjom da staršyni Barysaŭskaha rajvykankama sa skarhaj na redakcyju.Maŭlaŭ, uvieś čas chodziać ludzi, u padjeździe brudna i šumna. «Da nas u redakcyju pryjazdžała kamisija vykankama pa hetaj skarzie, — kaža Anatol Bukas. — Vyśvietliłasia, što zajaŭnica — Zinaida Sakałoŭskaja — naohuł u hetym domie nie pražyvaje. Žychary padjezda paćvierdzili, što nijakich pretenzij da redakcyi nie majuć ... Kamisija źjechała ni z čym. Ale ja nie vyklučaju, što hety “sihnał” moža mieć nastupstvy. Naprykład, vyniesuć pastanovu ab zabaronie raźmiaščeńnia redakcyi ŭ žyłym pamiaškańni. Ja liču, što ŭsio heta robicca śviadoma — nam prosta ŭskładniajuć žyćcio, sprabujuć cisnuć na niezaležnaje (i adzinaje ŭ horadzie) drukavanaje vydańnie».
