Staršyniu Homielskaj abłasnoj arhanizacyi AHP Vasila Palakova i aktyvista partyi Uładzimira Niapomniaščych adpuścili viečaram 12 studzienia z AUS Centralnaha rajona Homiela biez składańnia administracyjnaha pratakoła.
Apazicyjaniery byli zatrymany 12 studzienia prykładna ŭ 15.30 supracoŭnikami śpiecnazu kala rynku «Centralny» ŭ momant raspaŭsiudžvańnia infarmacyjnych biuleteniaŭ «Hołos razuma». Ich pryvieźli ŭ adździeł i skłali pratakoł zatrymańnia pavodle padazreńnia va ŭčynieńni pravaparušeńnia, praduhledžanaha artykułam 22.9 KoAP (parušeńnie zakanadaŭstva ab druku i ŚMI).
Jak paviedamiŭPalakoŭ, ź imi pravodziŭ razbor i składaŭ pratakoł apytańnia načalnik adździeła achovy hramadskaha paradku Uładzisłaŭ Šukiel. «Ja, spasłaŭšysia na artykuł 27 Kanstytucyi, admoviŭsia ad davańnia tłumačeńniaŭ.
Šukiel pytaŭsia ŭ mianie, čamu nas zatrymali. Ja ščyra adkazaŭ, što nie viedaju, stajali kala rynku, nalacieŭ śpiecnaz, i paciahnuli ŭ adździeł»,— prakamientavaŭ palityk. Jaho trymali ŭ adździele paŭtary hadziny, Niapomniaščych — pryblizna try hadziny.
Palakoŭ dadaŭ, što na praciahu dvuch tydniaŭ milicyja jašče moža vyklikać ich i skłaści administracyjny pratakoł.
0
0
0
0
0
0