Va Unutranych vojskach źjaviacca ščyty z ubudavanym elektrašokieram 23
Inavacyju vyrablajuć u Biełarusi.
Novyja śpiecsrodki i ŭzory ŭzbrajeńnia dla roznych padraździaleńniaŭ unutranych vojskaŭ MUS Biełarusi byli prademanstravanyja 14 sakavika žurnalistam pry naviedvańni dysłakavanaj na ŭskrainie Minska bryhady śpiecyjalnaha pryznačeńnia UV.
Pradstaŭniki ŚMI ŭbačyli, u pryvatnaści, ručnyja elektrašokiery, płastykavyja ščyty z ubudavanym elektrašokieram, vyrablenyja ŭ Biełarusi, niamieckija 9-mm pistalety Sig Sauer. Apošnija zakupleny dla SOBR unutranych vojskaŭ MUS. Pistalety pastupili na ŭzbrajeńnie prykładna paŭhoda tamu, ščyty — hod tamu, skazali aficery bryhady śpiecnaza.
Jak paviedamiŭ na sustrečy z žurnalistami namieśnik ministra ŭnutranych spraŭ — kamandujučy ŭnutranymi vojskami Valeryj Hajdukievič, niadaŭna była praviedziena zamiena amal pałovy aŭtaparka sapiorna-piratechničnych hrup UV. Zakupleny mikraaŭtobusy «Folksvahien». Razhladałasia pytańnie ab nabyćci rasijskich «Hazelaŭ», adnak ad hetaj idei admovilisia pa techničnych pryčynach. A voś zakupka aŭtamabilaŭ nierasijskaj vytvorčaści praciahniecca, skazaŭ kamandujučy.
Valeryj Hajdukievič taksama adznačyŭ, što transpartnyja srodki, u jakich pieravozicca śpieckantynhient pad kanvojem varty ŭnutranych vojskaŭ, ciapier asnaščany GPS-datčykami, jakija dazvalajuć u režymie realnaha času adsočvać ich znachodžańnie.
