Los čempijanatu śvietu pa chakiei 2014 h. vyrašycca ŭvosień. Mižnarodnaja fiederacyja abmiarkoŭvaje mahčymy pieranos spabornictvaŭ z našaj krainy. Padzieja była pieraniesienaja tolki adnojčy: paśla akupacyi Čechasłavaččyny vojskami Varšaŭskaj damovy ŭ 1968 h. čempijanat adbyŭsia zamiest Prahi ŭ Stakholmie.
«Biełsat» zapytaŭsia ŭ žycharoŭ stalicy: jak jany staviacca da takoj sproby cisku na kiraŭnictva Biełarusi? Ci vierać u mahčymy pieranos spartovaj imprezy?
«Ja liču, što heta biessensoŭny cisk, bo čempijanat usio roŭna budzie praviedzieny, jak by ni chacieli inšaha jeŭrapiejskija palityki. Heta čempijanat śvietu, i jon maje prajści ŭ Respublicy Biełaruś», — miarkuje mužčyna.
«Ja dumaju, što było b niabłaha jaho admianić, bo šmat ludziej siadziać u turmach. A za što? Tak voś ja dumaju», —kaža dziaŭčyna.
«Uvohule dla krainy — heta, kaniečnie, drenna, ale… Dalej biez kamientara», — nie skončyła dumki čarhovaja apytanaja.
«Miarkuju, što heta
«Ničoha ŭ ich nie atrymajecca. Čempijanat praviaduć, jak treba, u 2014 hodzie. Bo, razumiejecie,
narod uvieś za toje, kab pravieści, navat Zachad za nas. Čamu heta my musim słuchać niejkich asobnych ludziej, što chočuć pieranosu čempijanatu? U nas ža jak — voś Łukašenka, moładź našaja ŭsia hulaje ŭ chakiej. Usie za! Čamu my musim admaŭlacca ad hetaha? Arhumienty za admienu? Viedajecie, tak pamiž nami: ja hetych ludziej, što suprać našaje sistemy, navat słuchać nie chaču»,— adrezaŭ čałaviek stałaha vieku.
belsat.eu
