Jak paviedamlaje ź Ciurycha niamieckaje ahienctva DPA, Mižnarodnaja fiederacyja chakieju z šajbaj (IIHF) nie vyklučaje, što Biełarusi admoviać u praviadzieńni čempijanatu śvietu pa
Na majučym adbycca ŭ mai ŭ Chielsinki kanhresie 70 nacyjanalnych fiederacyj chakieju z šajbaj abmiarkujuć usie «za» i «suprać» što da praviadzieńnia pieršynstva ŭ krainie, jakuju nazyvajuć «apošniaj dyktaturaj Jeŭropy.
Zajava zroblenaja pad ciskam upłyvovych jeŭrapiejskich palitykaŭ i hramadskich dziejačaŭ, jakija ličać niedapuščalnym ładzić takoje spartovaje śviata ŭ krainie, dzie parušajucca pravy i svabody čałavieka, u tym liku prava na žyćcio.
Raniej, pierš čym ź Minska pryjšli viestki pra rasstreł abvinavačanych u terakcie ŭ minskim mietro Dźmitryja Kanavałava i Uładzisłava Kavalova, IIHF zajaviła, što rašeńnie pra čempijanat śvietu ŭ Minsku budzie pryniata sioleta ŭvosień. Pry hetym było padkreślena, što IIHF — arhanizacyja samastojnaja i niepalityčnaja.
Tym časam z boku kiraŭnikoŭ asobnych nacyjanalnych fiederacyjaŭ, adznačajuć słavackija ŚMI, možna pačuć, što jany «nie chočuć źmiešvać sport z palitykaj», što «chakiej vielmi papularny ŭ Biełarusi, a prezident krainy viadomy svajoj luboŭju da hetaha vidu sportu»
U razmovie z DPA kiraŭnik niamieckaj fiederacyi Uve Harnas admoviŭsia kamientavać «biełaruskaje pytańnie» i apošniuju zajavu IIHF: maŭlaŭ, «rašeńnie pavinien pryniać najvyšejšy orhan IIHF — Kanhres».
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)