Adzin ź pieršych i najbolš krasamoŭnych vypadkaŭ byŭ zafiksavany fatohrafami ŭ lutym minułaha hoda, kali Łukašenka naviedaŭ vajskovuju inžyniernuju bryhadu ŭ Sosnach. Pravaja ruka charakternym žestam schavanaja ŭ palito pamiž huzikami. Abapał Malcaŭ i Žadobin u vajskovaj formie. Asacyjacyja sa Stalinam prosicca sama saboj.
Potym zasunutaja ŭ palito ci kurtku ruka Łukašenki stała traplać u kadr usio čaściej.
U śviežych repartažach dziaržaŭnych telekanałaŭ pra pajezdku pa Mahiloŭščynie «stalinski žest» amal nie vychodzić z kadra. Heta stała častkaj imidžu «baćki naroda».
Darečy, Stalin rabiŭ toj žest vymušana: u jaho z malenstva była paraniena ruka. A voś taki samy žest u Napaleona źviazvajuć z chvarobaj straŭnika.
