Šeście ŭ miežach «Maršu miljonaŭ», što pravodzicca napiaredadni inaŭhuracyi Pucina, pačałosia na Vialikaj Jakimancy ŭ Maskvie. «Abstanoŭka mirnaja, ludzi stali ŭ kałony i pačali ruch u bok Bałotnaj płoščy», — paviedamlaje karespandent gazeta.ru.
Pavodle jaho acenki, «maršam» pa Jakimancy iduć bolš za 20 tysiač čałaviek. Napieradzie iduć kałony ludziej sa ściahami «Levaha frontu», za imi — ludzi ź biełymi stužkami.
Asablivuju ŭvahu ludziej pryciahnuła kałona ŭ padtrymku udzielnic hrupy Pussy Riot. Jana składajecca z 60–80 čałaviek, u bolšaści ź ich na hałavie nadzietyja kałhotki.
Šeście projdzie ad Kałužskaj płoščy pa vulicach Vialikaja Jakimanka i Vialikaja Palanka praz Mały Kamienny most da Bałotnaj płoščy, dzie adbudziecca mitynh. Na Bałotnuju ŭžo ciapier ściahnutyja narady palicyi i AMON.
Z ranicy ŭłady čynili roznyja pierakšody patencyjnym udzielnikam akcyi: nie prapuskali z pravincyi, začyniali vychad ź blizkalehłych stancyj mietro, pry tym, što padrychtoŭka mitynha ŭ padtrymku Pucina na Pakłonnaj hary išła bieź pieraškod.