Siaredniaja zarpłata ŭ Biełarusi pavinna być minimum $500 u ekvivalencie. Adpaviednuju zadaču Alaksandr Łukašenka pastaviŭ 24 lipienia padčas rabočaj sustrečy z prem'
«Sustrakajučysia ŭčora z Nadziejaj Jermakovaj (staršynioj praŭleńnia Nacyjanalnaha banka), ja zapatrabavaŭ, kab my zrabili ŭsio dla raźvićcia ekanomiki. Nacyjanalny bank pavinien tut pracavać razam z uradam. Na valutnym rynku byccam situacyja niadrennaja, niahledziačy na siezonnaść. Ale treba bačyć ekanomiku. Usie hrošy ad ekanomiki», — skazaŭ Alaksandr Łukašenka.
«Chacieŭ by pačuć, što z zarabotnaj płataj. Treba ludziej ŭsio ž taki padciahnuć da $500, a dalej jany, majučy ŭžo niejkuju padušku biaśpieki (usio ž taki heta narmalny zarobak), buduć sami zarablać hrošy, i nam možna dystancyjavacca ad taho, kab źvierchu nahniatać situacyju z zarobkam. Ale siaredni zarpłata ŭ $500 — heta samy minimum, jaki pavinien być u našaj krainie», — padkreśliŭ Łukašenka, paviedamlaje BiełTA.
Nahadajem, što siońnia Nacyjanalny statystyčny kamitet (Biełstat) paviedamiŭ, što ŭ červieni naličany siaredni zarobak «brudnymi» skłaŭ 3 młn 752 tys. 118 rubloŭ (452 dalary ŭ ekvivalencie).
