Dziaržaŭny kamitet pa navucy i technałohijach Biełarusi i Ministerstva adukacyi, navuki i technałohij Karei pravodziać konkurs sumiesnych navukova-daśledčych prajektaŭ na 2013–2015 hady.
Jak paviedamiła pres-słužba DKNT, konkurs pravodzicca pa nastupnych tematyčnych kirunkach: materyjałaznaŭstva, optyka, nananavuki, bijanavuki, atamnaja navuka.
Dla ŭdziełu ŭ konkursie nieabchodna padać u DKNT zajaŭku na ŭdzieł u sumiesnym prajekcie, a taksama kamplekt zajaŭnych form dla prajektaŭ prykładnoha ci fundamientalnaha charaktaru adpaviedna.
Paradak padačy i razhladu dakumientaŭ budzie ažyćciaŭlacca ŭ adpaviednaści z pałažeńniem ab navukova-techničnych prajektach, što vykonvajucca ŭ miežach mižnarodnych dahavoraŭ Biełarusi. Pry razhladzie prajektaŭ fundamientalnaha charaktaru budzie ŭličvacca ich prykładnaja skiravanaść, a taksama najaŭnaść piśmovaha paćviardžeńnia ab mahčymym praktyčnym prymianieńni vynikaŭ daśledavańnia.
Dakumienty na konkurs prymajucca da 26 kastryčnika.
Konkurs sumiesnych navukova-daśledčych prajektaŭ pravodzicca ŭ miežach pahadnieńnia pamiž uradami Biełarusi i Karei ab ekanamičnym, navukovym i techničnym supracoŭnictvie, padpisanym u Sieule 17 maja 2004 hoda i ŭ adpaviednaści z biełaruska-karejskaj prahramaj sumiesnych daśledavańniaŭ u śfiery navuki i technałohij.
BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
