Pryčyna — niaŭdałaje vystupleńnie ajčynnych spartsmienaŭ na Alimpijadzie ŭ Łondanie. Łukašenka nie zdymaŭ ź siabie viny za «pravał» alimpijcaŭ, ale ŭ adstaŭku adpraviŭ inšych ludziej.
1. Małady i nieviadomyPryznačeńnie Aleha Kačana adbyłosia ŭ červieni 2009. Na miesca piensijaniera Alaksandra Hryharava pryjšoŭ 41‑hadovy Aleh Kačan (maładziej jaho ŭ Saŭminie tady byŭ tolki ministr kultury Pavieł Łatuška).
Kačan naradziŭsia ŭ Červieni, pracavaŭ u Łahojskim rajvykankamie. Adtul jaho zabrali ŭ Minski abłvykankam, pryznačyŭšy na pasadu načalnika spartyŭnaha ŭpraŭleńnia. Heta byŭ samy małady ministr sportu i turyzmu za ŭsiu historyju.
U paźniejšych intervju adzin z papiarednikaŭ Kačana Jury Sivakoŭ zhadvaŭ, što heta jon pryvioŭ Aleha Kačana ŭ strukturu Minsporta. «Padychod Kačana vyklikaje tolki pačućcio razdražnieńnia, abureńnia i kryŭdy i nianaviści», — kazaŭ sioleta Jury Sivakoŭ.
2. Staviŭ ambicyjnyja zadačyChaj jany i nie zaŭsiody supadali z realnym stanoviščam rečaŭ u našym sporcie. Naprykład, pierad adboram čempijanatu
zbornaja abaviazanaja zaniać u hrupie pieršaje ci druhoje miesca. Ciažka było skazać čamu, bo pierad hetym našym najlepšym vynikam było treciaje miesca ŭ 2001. U vyniku biełarusy apynulisia tolki čaćviortymi, prapuściŭšy napierad Francyju, Bośniju, Rumyniju, apiaredziŭšy Ałbaniju i Luksiemburh.
Značnuju častku pracy Kačana zajmała chakiejnaje minskaje «Dynama». Ministr prapanoŭvaŭ, kab u hetaj kamandzie hulała tolki šaściora lehijanieraŭ. Nasamreč ža sioleta praz kamandu ŭžo prajšło 16 varahaŭ. Bolš lehijanieraŭ niama ŭ nivodnaj kamandzie KCHŁ.
3. Łavić šajbu zubamiKačan, jak i jahony šef, nieadnarazova dazvalaŭ sabie nietaktoŭnyja vykazvańni ŭ adras svaich padnačalenych. Paśla pravalnaha letašniaha pieršynstva śvietu pa chakiei ministr sportu paraiŭ našamu hałkipieru Andreju Miezinu łavić šajbu zubami, a abaroncam i napadajučym vychodzić na lod z pałamanymi rukami i nahami. Mudryja prapanovy, ničoha nie skažaš.
Viadomy chakiejny varatar Siarhiej Šabanaŭ na heta prapanavaŭ adsiakać spartoŭcam hałovy za niaŭdałyja starty.
«Mnie ŭsio roŭna, chrusnuła nie chrusnuła śpina, pavinien byŭ šturchać», — kazaŭ Kačan pa vynikach Alimpijady. U rešcie rešt čynoŭnik pryjšoŭ da vysnovy, što niekatoryja spartoŭcy śviadoma pakazvali kiepski vynik.
4. Dziŭnyja prapanovy pa turyźmieKačan byŭ ministram nie tolki sportu, ale i turyzmu. I tut jahonyja inicyjatyvy časam vyklikali absalutnaje nieparazumieńnie. Naprykład, viasnoj hetaha hoda, kali pamiž aficyjnymi Minskam i Bruselem adbyŭsia dypłamatyčny kafnlikt, ministr skazaŭ nastupnaje: «Moža, my staniem navat bolš pryvabnymi ŭ płanie turyzmu paśla adjezdu pasłoŭ». Nibyta ŭ KNDR, dzie niama pasłoŭ ES, turyzm tam kvitnieje.
«Hatel u 200 dalaraŭ za noč — heta zusim nie doraha», — upeŭnieny Aleh Kačan. Cikava, što skazana heta było adrazu paśla letašniaj devalvacyi, kali dachody bolšaści biełarusaŭ upali jakraz da hetych 200 dalaraŭ.«Libieralizavać ujezd turystaŭ u krainu — sam boh nakazaŭ», — havaryŭ ministr. Zrešty, kankretnych zruchaŭ u hetym nakirunku zroblena tak i nie było.
5. Z dumkami ab prezidencieŠto b ni rabiŭ, ci ni kazaŭ Aleh Kačan, heta adbyvałasia z dumkami pra kiraŭnika dziaržavy. «Zbornuju pavinien treniravać čałaviek, jaki zmoža vyvieści na vyniki, čakanyja prezidentam», — skazaŭ Kačan paśla adstaŭki Biernda Štanhie z pasady hałoŭnaha treniera futbolnaj zbornaj Biełarusi. Zaŭziatary ŭ hetym pytańni nie tak važnyja, hałoŭnaje, kab prezidentu spadabałasia.
«Zadačy pastaviŭ pierad nami prezident Nacyjanalnaha alimpijskaha kamiteta, kiraŭnik našaj dziaržavy Alaksandr Łukašenka. My vydatna razumiejem, što pavinny prykłaści maksimum namahańniaŭ, kab ich vykanać», — kazaŭ Kačan pierad Alimpijadaj.Łukašenka tady zahadaŭ zavajavać 25 miedaloŭ, 5 ź jakich załatych. U vyniku abmiežavalisia tolki 12. «My padmanuli prezidenta. Ja jamu abiacaŭ miedali, asabista», — kali padmanuŭ, to adstaŭka Kačana nie pavinna ździvić.
