Adzin z rabotnikaŭ prysłaŭ u Redakcyju kopiju šabłona raśpiski. U joj pracadaŭca spasyłajecca na toje, što «zarobak źjaŭlajecca pradmietam kamiercyjnaj tajamnicy», jakuju nielha ahučvać biez dazvołu najmalnika.
Rabotnik «Saryi Bija-Indastrys» miarkuje, što
«dyrektar ničoha nie prydumaŭ, kab paźbiehnuć nadakučlivych pytańniaŭ nakont zarobku i jaho pavyšeńnia, jak uvohule zabaranić hetuju temu dla abmierkavańnia pad stracham być pakaranym i ŭ dalejšym — zvolnienym».
I dadaje, što zarobak na pradpryjemstvie — nie samy vialiki pa rajonie.
Administracyja taki krok tłumačyć pa-svojmu —
«u metach vyklučeńnia raspaŭsiudžvańnia čutak i plotak, a taksama narmalizacyi abstanoŭki ŭ kalektyvie».
Jurysty takuju raśpisku nazyvajuć niezakonnaj. I adznačajuć, što pavodle pastanovy Savieta Ministraŭ 6 listapada 1992 №670
kamiercyjnuju tajamnicu nie mohuć składać źviestki pra kolkaść i skład rabotnikaŭ, ich zarobki.
I nielha čałavieka prymusić padpisać taki dakumient.
«Saryja Bija-Indastrys» — zamiežnaje pryvatnaje vytvorča-handlovaje pradpryjemstva. Asnoŭnaja dziejnaść — zbor adkidaŭ žyviolnaha pachodžańnia; pierapracoŭka ich dla vytvorčaści karmavoj miasa-kaściavoj muki i tłušču žyviolnaha techničnaha i karmavoha.
