Jeŭrakamisar Fiule: Lubyja stanoŭčyja źmianieńni ŭ adnosinach ES i Biełarusi zaležać ad pytańnia palitviaźniaŭ 1

Jeŭrakamisar pa pytańniach pašyreńnia i palitycy dobrasusiedstva Štefan Fiule sustreŭsia ŭ Brusieli z žonkami biełaruskich palitźniavolenych — Natallaj Pinčuk, žonkaj pravaabaroncy Alesia Bialackoho, i Marynaj Adamovič, žonkaj eks-kandydata ŭ prezidenty Mikałaja Statkieviča.

Jak paviedamlaje pres-słužba jeŭrakamisara, asnoŭnaj temaj sustrečy, jakaja adbyłasia 7 listapada, stała abmierkavańnie ŭmoŭ, u jakich utrymlivajucca biełaruskija palitźniavolenyja, a taksama namahańniaŭ ES pa ich vyzvaleńni i reabilitacyi.

Fiule padkreśliŭ, što vyzvaleńnie biełaruskich palitźniavolenych źjaŭlajecca adnoj z najvažniejšych tem dla Jeŭrasajuza. «Ja dobra razumieju, jakija vyprabavańni pieražyvajuć vašy mužy i vašy siamja, — skazaŭ jeŭrakamisar, źviartajučysia da svaich surazmoŭnic. — Ja znoŭ zaklikaju biełaruskija ŭłady nieadkładna i biez usiakich umoŭ vyzvalić i reabilitavać usich palitźniavolenych. Ja taksama zaklikaju ŭłady spynić nacisk i nie paharšać umovy ŭtrymańnia palitźniavolenych».

Štefan Fiule padkreśliŭ: lubyja stanoŭčyja źmianieńni va ŭzajemaadnosinach ES i ŭład Biełarusi zaležać ad vyrašeńnia pytańnia pra palitźniavolenych.

Jak paviedamlałasia raniej, 7 listapada žonki Bialackaha i Statkieviča taksama sustrelisia sa staršynioj Jeŭraparłamienta Marcinam Šulcam, členami kamiteta pa pravach čałavieka JEP i jeŭraparłamientaryjam z Polščy Jacekam Saryušam-Volskim.

0

0

0

0

0

0

Taćciana Karaviankova, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH