Niekatoryja subjekty, karystajučysia ilhotami dla raźvićcia ahraekaturyzmu, zajmajucca inšaj dziejnaściu i niekarektnymi pavodzinami kidajuć cień na ŭsiu halinu. Naprykład, vykarystoŭvajuć siadziby jak haściavyja damy, dzie prymajuć kamandzirovačnych, zdajuć biljardavyja pakoi, arhanizoŭvajuć łaźni. «Byŭ vypadak, kali ŭ Mahiloŭskaj vobłaści siadziba akazvała pasłuhi prydarožnaha servisu», — raskazaŭ Vadzim Karmazin, dyrektar Departamienta pa turyźmie Ministerstva sportu i turyzmu.
Pavodle ŭkazu № 372 «Ab mierach pa raźvićci ahraekaturyzmu ŭ Respublicy Biełaruś» sielskaja siadziba pavinnaja vykarystoŭvacca ŭ turystyčnych metach. Haspadary abaviazanyja pastajanna ŭ joj pražyvać i vieści choć by minimalnuju padsobnuju haspadarku. «Pieralik kryteraŭ ukaza pavinien vykonvacca ŭ kompleksie, bo haspadary siadzibaŭ płaciać padatak sa svajoj dziejnaści — usiaho adnu bazavuju vieličyniu ŭ hod. Heta vielmi vyhadna, i pad hetuju spravu možna prybudavacca», — adznačaje ekśpiert. Pry hetym jon padkreślivaje, što niehatyŭnyja vypadki ŭ praktycy sielskaha turyzmu adzinkavyja. Tolki pa ich nielha mierkavać pra halinu ŭ cełym.
Kab dziejnaść siadzibaŭ nie vychodziła za ramki pravavoha pola, padatkovaja inśpiekcyja praviadzie rejd.Śpiecyjalisty pravierać svoječasovuju vypłatu padatku, zakonnaść ahraturystyčnaj dziejnaści, rastłumačać, što pavinna być na ahrasiadzibie. Miascovyja ŭłady adsočać pytańni, jakija ŭvachodziać u ich kampietencyju. Heta nieabchodna, kab dziaržaŭnyja lhoty vykarystoŭvalisia pa pryznačeńni — dla padtrymki žycharoŭ vioski i haradoŭ z nasielnictvam da 20 tysiač čałaviek.
Ciapier u Biełarusi pracuje 1917 siadzibaŭ. Letaś u biełaruskaj vioscy adpačyli bolš za 144 tysiačy turystaŭ. Siarod ich pieravažali našyja suhramadzianie — krychu bolš za 86%. Na druhim miescy rasijcy, zatym išli ŭkraincy, litoŭcy i małdavanie.
