Niahledziačy na toje što alimpijski fakieł u Afinach spyniŭ kureć amal tydzień tamu, Alimpijada niabačna praciahvajecca.
Jak paviedamlajuć teletajpy, kiraŭnik MAK u jakaści suveniraŭ zachapiŭ z saboju z Hrecyi 3500 prabirak z analizami atletaŭ, kab jašče raz pravieryć tyja analizy na pradmiet najaŭnaści stymulataraŭ.
Hetaja navina pavinna zacikavić Sivakova, jaki ŭžo vykazaŭ namier «paščamić dźviarami» treneraŭ z adstajučych vidaŭ sportu. Pačakaj, čuvak! Mahčyma, u kryvi taho ci inšaha čempijona znojduć zabaronieny mikrob. Jak vynik, jaho pazbaviać medala, a kryvič, jakomu dastałosia čaćviortaje miesca (takich u nas až 10), adrazu padskočyć na treciuju prystupku alimpijskaha tronu. Hladziš, takim čynam my pavialičym naš alimpijski košyk da 24 medaloŭ i vykanajem dadzienaje baćku abaviazacielstva.
Paralelna ŭ śviecie ŭźniaŭsia ruch za admienu šmonu na dopinh. «Kali ŭžo vyrašyli zmahacca sa štučnym upłyvam na čałaviečy arhanizm, dyk davajcie rabić heta paśladoŭna — zabaronim pichać dziaciej vitaminami i rybinym tłuščam: chiba heta nia toj samy dopinh?» — lahična piša «Guardian». Voźmie vierch hety punkt hledžańnia — usie, kaho na hetaj alimpijadzie abvinavacili ŭ dopinhu i admuryžyli medal, atrymajuć svaje ŭznaharody curuk.
Miž tym, niahledziačy na toje što my znachodzimsia ŭ fazie bufirkacyi sučasnaha sportu, niekatoryja trendy ŭ alimpijskim ruchu ŭžo vidavočnyja. Tolki stały klijent centru karekcyi zroku «Aptymed» nie zaŭvažyć praryvu kitajcaŭ.
Poŭnaściu hety artykuł možna pračytać u papiarovaj i pdf-versii "Našaj Nivy"
Lolik Uškin
