Пра гэта заявіў камісар ЕС па пытаннях энергетыкі Гюнтэр Этынгер.
У супрацоўніцтве з міжнароднымі фінансавымі інстытутамі — Еўрапейскім інвестыцыйным банкам, Еўрапейскім банкам рэканструкцыі і развіцця і Сусветным банкам — Еўрапейская камісія гатовая падтрымаць мадэрнізацыю ўкраінскай газатранспартнай інфраструктуры.
Мэта гэтай мадэрнізацыі ў тым, каб Украіна заставалася ключавой часткай Усееўрапейскай энергетычнай сістэмы, падкрэсліў Этынгер.
Рэформы газавага сектара ў адпаведнасці з правіламі Энергетычнай супольнасці забяспечаць Украіне доступ да буйнога газавага рынку ЕС, а значыць, і магчымасць экспартаваць у ЕС газ уласнай вытворчасці.
«Еўрасаюз імкнецца вырашыць пытанне газавых патокаў, якія будуць паступаць у ЕС, у рамках збалансаванага трохбаковага дыялогу паміж ЕС, Украінай і Расіяй. Таксама Еўрасаюз хоча далучыцца да трохбаковых кансультацый адносна транзіту газу», — адзначыў еўракамісар.
Паслядоўная прыхільнасць рэформам згодна з Дамовай аб Энергетычнай супольнасці станоўча паўплывае на стан энергетычнай бяспекі і незалежнасці Украіны, лічыць Гюнтэр Этынгер.
«ЕС перакананы, што сяброўства Украіны ў Энергетычнай супольнасці ў большай ступені адпавядае яе ўласным інтарэсам», — піша еўракамісар.
Акрамя таго, як адзначае Этынгер, сяброўства ў Энергетычнай супольнасці прадугледжвае сумеснае з ЕС правядзенне дыверсіфікацыі паставак, павелічэнне энергетычнай незалежнасці Украіны і гарантаванне бяспекі паставак у каротка- і доўгатэрміновай перспектыве. «Кіеў ужо ўдала выкарыстоўвае гэтую магчымасць. З лістапада 2012 Украіна атрымлівае газ з Германіі і Польшчы (праз рэверсныя патокі) па нашмат ніжэйшых цэнах, чым тыя, па якіх яна купляе газ у Расіі. Таксама Украіна распрацоўвае два дадатковыя спосабы рэверсных паставак прыроднага газу з Еўропы, а менавіта са Славакіі і Венгрыі», — піша аўтар.
«У будучыні Украіна павінная атрымаць доступ не толькі да лішняга расійскага газу, прысутнага ў Заходняй Еўропе, але і да газу на міжнародных рынках», — падкрэсліў еўракамісар.
Этынгер адзначае, што ЕС імкнецца вывучыць магчымасць стварэння «газавых калідораў» з мэтай забяспечання больш працяглых варыянтаў дыверсіфікацыі газапаставак. «Напрыклад, можна выкарыстоўваць дзейныя трубаправоды ў Заходняй Украіне, якія вядуць у Румынію, Венгрыю, Славакію і Польшчу», — гаворыцца ў артыкуле.
«Украінская газатранспартная сетка і патэнцыял яе падземных сховішчаў (яны здольныя захоўваць 31 млрд кубаметраў газу; усе газасховішчы ЕС маюць агульную ўмяшчальнасць 95 млрд) могуць і ў далейшым прыцягваць інвестыцыі і мець вялікую каштоўнасць, калі газ зможа пастаўляцца ва Украіну з ЕС — для спажывання або захоўвання», — падкрэсліў еўракамісар.
Раней Гюнтэр Этынгер не прызнаў крытыкі з боку Украіны адносна Энергетычнай супольнасці і, у прыватнасці, яе пазіцыі ў пытанні пабудовы абыходных газаправодаў вакол Украіны.
Пры гэтым еўракамісар выказаў перакананне, што ўдзел у Энергетычнай садружнасці дае Украіне пэўныя перавагі. Так, паводле яго словаў, Украіне было б нашмат складаней падпісаць кантракт з Shell па здабычы сланцавага газу, калі б яна не была ўдзельнікам Энергетычнай садружнасці.
Еўрапейцы гатовыя пагадзіцца на адпраўку сваіх войскаў для аховы беларуска-ўкраінскай мяжы — вялікае апытанне1
Каментары