Першыя крокі папы Францішка выклікалі шмат камэнтараў у сусьветнай прэсе.Не абышлося і без крытыкі, асабліва з боку некаторых царкоўных дастойнікаў. якім ня вельмі быў даспадобы ягоны сьціплы спосаб жыцьця, а таксама ягоная любоў бедных, якая не сканчаецца толькі словамі і ў якой некаторыя хацелі бачыць паказуху.
А між іншым папа не зрабіў і ня робіць нічога, чаго не рабіў Той, чыім намесьнікам на зямлі ён зьяўляецца і які сказаў: «Лісы маюць норы, птушкі нябесныя — гнёзды свае, а Сын Чалавечы ня мае, дзе б галаву прытуліць» (Лк 9:58).Ягоная асоба і навучаньне не супадалі з уяўленьнем чаканага Збаўцы сярод тых, якія ўважалі сябе духоўнымі праваднікамі і настаўнікамі свайго народу. Сапраўды, «Прыйшоў да сваіх, і свае Яго не пазналі»(Ян 1:11); і ня толькі не пазналі, але адкінулі і ўзьненавідзелі, і сталі прычынаю Ягонай крыжовай сьмерці. І ў гэтым вялікая трагедыя абранага народу.
Але магіла і сьмерць не маглі ўтрымаць Таго, хто сказаў пра сябе «Я — уваскрасеньне і жыцьцё» (Ян 11:25). Госпад і Бог наш Ісус Хрыстос устаў з мёртвых на трэці дзень, абнавіўшы сваім устаньнем увесь сусьвет і даючы нам дарогу да вечнага і непрамінальнага жыцьця з Богам.
Вялікдзень — доказ усёабдымнай Божай любові да людзкога роду, любові, несумяшчальнай зь ніякімі праявамі злосьці ці нянавісьці даУзгадаем малітву Хрыста за тых, што яго ўкрыжавалі: «Ойча, прабач ім, бо яны ня ведаюць, што чыняць»(Лк 23:34). Гэтыя словы даюць нам шмат да роздуму.каго-колечы .
Пра гэта гаворыцца і ў песьні, якую сьпяваем падчас Велікоднай службы:
«Уваскрасеньня дзень!
Прасьветлімся ўрачыстасьцю і адзін аднаго абдымем; cкажам «Браты» і тым, што ненавідзяць нас, прабачыўшы ўсё дзеля ўваскрасеньня; і ўсклікнем вось так: Хрыстос уваскрос з мёртвых, сьмерцю сьмерць зваяваў і тым, што ў магілах, жыцьцё дараваў».
а. Аляксандар Надсан, апостальскі візітатар для беларусаў замежжа, Вялікдзень 2013
Джон Коўл прыедзе ў Беларусь 15 верасня. Лукашэнка, аднак папярэдзіў: «вялікай здзелкі» не будзе10
Каментары