Гулец зборнай ЗША па хакеі Алекс Гальчанюк закінуў пераможную шайбу ў гульні з Расіяй.
Беларус?Алекс нарадзіўся ў 1994 годзе ў Мілуокі, штат Вісконсін. Тады ў Штатах за мясцовую каманду гуляў ягоны бацька.
Ці можна называць Алекса беларусам? Што кажа на гэта сам хлопец:
«Усё ж такі я нарадзіўся ў ЗША. Больш правільна сказаць так: я амерыканец з беларускімі каранямі. Не хаваю, што ў мяне ёсць беларуская кроў. Кожны год наведваю радзіму бацькі, каб аднавіць сілы, дапамагчы бабулі з дзядулем на дачы. Заўсёды з задавальненнем прыязджаю ў Мінск», — казаў Алекс у інтэрв’ю газеце «Прессбол».
Чаму гуляе за ЗША?Вядома, што за хакеіста Гальчанюка змагаліся расейцы, яны хацелі, каб хлопец прыняў іхняе грамадзянства. Але Алекс выбраў амерыканскае, аб чым сёння не шкадуе. Што датычыць беларусаў, то сам хакеіст дзівіўся, чаму з Мінска не было ніякіх запрашэнняў.
«Мне не прапаноўвалі гуляць за беларускую зборную. За ўвесь час я не размаўляў ні з адным з кіраўнікоў вашай федэрацыі. Прызнацца, такое стаўленне дзіўнае. Усе ведаюць, што баўлю лета ў Мінску, але тым не менш ніхто не знайшоў час хоць бы выйсці на сувязь. Ну што ж, не трэба, дык не трэба».
БацькаІмя бацькі Алекса Аляксандра Гальчанюка вядомае ў хакейным свеце. Аляксандр нарадзіўся ў Мінску, шмат гадоў выступаў за зборную Беларусі, нават на Алімпіядзе ў
Адзін з нямногіх беларускіх хакеістаў, хто паспеў правесці некалькі гульняў за зборную СССР напрыканцы яе існавання. Некалі Аляксандр сказаў: «Маё хобі — вучыць сына гуляць у хакей». Някепска навучыў.
«Манрэаль» і французская моваСёлета зімой разам з моладзевай зборнай ЗША Алекс Гальчанюк ужо стаў чэмпіёнам свету. Цяпер ён можа паўтарыць тое ж з дарослай камандай.
Апошні год хакеіст выступае за самы праслаўлены клуб НХЛ — «Манрэаль Канадыянс», за які некалі выступалі беларусы браты Касціцыны, і Міхаіл Грабоўскі. На рахунку маладога спартсмена 9 шайб і 18 перадач у гэтым сезоне.
Калі Алекс апынуўся ў Манрэалі, ён найперш паабяцаў падцягнуць сваю французскую мову (Манрэаль — горад у франкамоўнай канадскай правінцыі Квебек), і нават зрабіў некалькі допіс у твітар
Якупаў і сацсеткіАлекс Гальчанюк у пачатку кар’еры два сезоны правёў у клубе юніёрскай Лігі Антарыё «Сарніі Стынг». Сам хакеіст кажа, што для яго гэта быў вельмі карысны досвед, бо выступаў амаль ва ўсіх матчах сезона. Дарэчы, разам з Гальчанюком за «Сарнію» гуляў Наіль Якупаў — галоўная маладая надзея расійскага хакея.
Менавіта Якупаў быў выбраны пад першым нумарам
Цяпер гэтых гульцоў увесь час параўноўваюць. Першы сезон Наіль правёў лепш за беларуса-амерыканца.
Гальчанюк — актыўны карыстальнік сацыяльнымі сеткамі. Мае акаўнты ў Твітары, Фэйсбуку, Інстаграме.
Заакіянская прэса адзначае, што Гальчанюк упэўнены ў сабе гулец, які мае добрае пачуццё лёду і крэатыўнасць у атацы.
Пакуль што Гальчанюк — гэта далёка не гулец узроўню Авечкіна ці Кросбі, але амерыканцы вельмі спадзяюцца, што Алекс можа вырасці ў такога.
Цяпер чытаюць
«Гэта была жывая камера сачэння». Што рабіла віцяблянка Кацярына, каб вызваліцца праз 5 гадоў замест прысуджаных 12 гадоў6
Каментары