Аляксандар Мілінкевіч накіраваў запрашэньне на Эўрапейскі Марш «За Свабоду» страшыні Эўрапейскай камісіі, старшыні Эўрапейскага парлямэнту і кіраўнікам эўрапейскіх дзяржаў.
Лідэр дэмакратычных сіл Беларусі А.Мілінкевіч накіраваў запрашэнне на Еўрапейскі Марш «За Свабоду» страшыні Еўрапейскай Камісіі, старшыні Еўрапейскага парламента і кіраўнікам еўрапейскіх дзяржаваў.
«Мы запрашаем нашых сяброў быць з намі ў дзень правядзення Еўрапейскага маршу, прыехаць да нас 14 кастрычніка. Мы будзем удзячныя за праяву салідарнасці і падтрымку з Вашага боку. Большасьць беларусаў з надзеяй глядзіць на Еўропу, чакае нармалізацыі стасункаў з Еўрасаюзам», — гаворыцца ў запрашэнні.
Лідэр дэмакратычных сіл Беларусі адзначыў важнасць гэтай падзеі для беларусаў.
«Гэты марш арганізуюць дэмакратычныя сілы Беларусі з мэтай прадэманстраваць жаданне беларусаў жыць у еўрапейскай сям’і вольных народаў. Гэта будзе Марш дзеля будучай свабоднай і еўрапейскай Беларусі. Гэта будзе пачатак нашага шляху ў свабодную і аб’яднаную Еўропу.
Сітуацыя з правамі чалавека і дэмакратычнымі свабодамі ў Беларусі застаецца вельмі напружанай. Ад пачатку года сотні людзей былі арыштаваныя, збітыя, правялі па некалькі тыдняў у турме за адстойванне сваёй грамадзянскай пазіцыі. Асаблівы ціск ўлады аказваюць на моладзь. Ёсць і надзвычай абуральныя выпадкі рэпрэсіяў: арышт актораў і гледачоў на спектаклі «Вольнага тэатру», арышты падчас прэзэнтацыі кнігі, бардаўскага фэсту. Пры гэтым улады працягваюць заяўляць аб сваёй зацікаўленасці ў супрацоўніцтве з Еўрапейскім Саюзам.
У гэтай сітуацыі нам вельмі важная цікавасць з боку сусветнай дэмакратычнай грамадскасці, краінаў Еўрасаюзу да падрыхтоўкі і правядзення Маршу. Дэмакратычныя сілы выступаюць за выключна мірны характар дэманстрацыі і прапануюць ўладам узаемадзеянне, нягледзячы на рост рэпрэсіяў і арышты нашых сяброў і калегаў, нягледзячы на павелічэнне лічбы палітзняволеных у Беларусі. Мы думаем пра будучыню Беларусі і звязваем яе з Еўропай», — адзначаецца ў запрашэнні да еўрапейскіх лідэраў».
Цяпер чытаюць
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?22
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць88
Каментары