Святкаванне вяселля ў народных традыцыях пакрысе выходзіць з ужытку. На жаль, яны не перадаюцца моладзі ад старэйшага пакалення і пакрысе забываюцца. Старадаўнія абрады жывыя хіба толькі ў вёсках, далёкіх ад урбанізаваных асяродкаў.
Фальклорны гурт GUDA на працягу васьмі гадоў збіраў такія матэрыялы, якія ўвайшлі ў кампакт-дыск «ВЯСЕЛЛЕ».
У чым каштоўнасць гэтага дыска? Па-першае, у часы, калі вяселлі найчасцей спраўляюць у суправаджэнні поп-музыкі 80-х (і гэта ў лепшым выпадку), GUDA вяртае старадаўні беларускі фолк. Па-другое, да дыску прыкладаецца апісанне беларускіх вясельных абрадаў, якія зараз набіраюць папулярнасць сярод беларусаў.
Ён выйшаў пры падтрымцы Беларускага народнага банка. Гэта трэці сольны дыск гурта GUDA. У 2002 і 2007 гадах выйшаў СD «Архаічныя абрадавыя спевы» выйшаў, у 2005 – CD «Ігры багоў».
Асаблівая каштоўнасць дыска – аўтэнтыка,
якая з’явілася дзякуючы ўдзельніцы гурта Любові Сівуравай. Яна, яе маці Сцепаніда Зінкевіч ды цётка Ганна Краўчук з вёскі Старое Сяло Жабінкоўскага раёну Брэсцкай вобласці спяваюць тры песні. Інструментальная музыка на дыску выканана Алесем Ласём і яго капэлай.
Падчас прэзентацыя праекта адбудзецца майстар-клас па беларускіх танцах, якія традыцыйна выконваліся на вяселлях. Прэзентацыя адбудзецца 2 сакавіка а 19-й ў Моладзевым тэатры эстрады (вул. Маскоўская, 18А).
Квіткі можна замаўляць па тэлефонах 8-044-7347923 і 8-029-5701448 і ў касах Моладзевага тэатра эстрады.
Дадатковую інфармацыю таксама можна знайсці на сайце гурта GUDA, а таксама ў сетках Facebook і Укантакце.
Каментары