У цэнтры Масквы на Васільеўскім спуску застрэлены Барыс Нямцоў. Пра гэта паведамляюць расійскія інфармацыйныя агенцтвы са спасылкай на крыніцу ў праваахоўных органах.
Палітык быў забіты чатырма стрэламі ў грудзі. «Ён ішоў па Вялікім Каменным мосце з дзяўчынай, невядомыя выскачылі з машыны, зрабілі чатыры стрэлы і схаваліся», — адзначыла крыніца.
Барыс Нямцоў быў лідарам расійскай апазіцыі, непрымірымым крытыкам Пуціна і расійскай агрэсіі ва Украіне.
У дапуцінскія часы ён быў віцэ-прэм'ерам урада і разглядаўся як іншы магчымы пераемнік Барыса Ельцына. Але выбар Ельцына паў на Пуціна.
Нямцоў адкрыта і недвухсэнсоўна асудзіў расійскую агрэсію ва Украіне ў 2014. Пуцінскія прапагандысты разгарнулі супраць сапраўдную кампанію нянавісці і цкавання.
Два тыдні таму на пытанне журналіста, ці не баіцца ён, што яго заб'юць, Нямцоў адказаў: «Вы ведаеце, так… Трохі. Не так моцна, як мама, але ўсё ж… Але ўсё ж я не так моцна яго баюся. Калі б я баяўся вельмі моцна, то наўрад ці узначальваў б апазіцыйную партыю, наўрад ці б займаўся тым, чым займаюся».
Дзень назад, 26 лютага, Нямцоў у фэйсбуку назваў Пуціна забойцам, якога чакае Гаагскі трыбунал.
«Я разумею, што крамлёўскім садыстам, якія ў дэталях ведаюць, што адбываецца з Саўчанкай, дастаўляе асаблівае задавальненне здзекавацца з яе, як у свой час здзекаваліся і давялі да смерці Магніцкага. Я таксама разумею, што яе смерць прывядзе да персанальных санкцый супраць Пуціна, — напісаў ён. — Далей будзе Гаага. Забойцам не спагадаюць», — напісаў Нямцоў.
Забойства Барыса Нямцова стала шокам для расійскага грамадства. Можна меркаваць, што яно выкліча новую хвалю эміграцыі з Расіі.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу4
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1818
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх18
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары