У старажытных малюнках на камянях даследчык пазнаў кітайскія іерогліфы.
Сёння лічыцца, што сучасным еўрапейцам Амерыка стала вядомая дзякуючы Хрыстафору Калумбу. Існуюць і тэорыі пра адкрыццё Амерыкі вікінгамі за паўтысячы год да Калумба. Амерыканскі даследчык Джон Раскэмп сцвярджае, што кітайцы былі ў Амерыцы 3,3 тысячы год таму і пакінулі выразныя сляды, піша Daily Mail.
Раскэмп знайшоў у Нью-Мексіка, Каліфорніі, Аклахоме, Арызоне, Невадзе і Юце малюнкі, у якіх распазнаў старажытнакітайскія іерогліфы. Надпісы, кажа ён, зробленыя ў 2800-1300 гг да н.э.
Раскэмп — былы хімік і аматар эпіграфікі, дысцыпліны, што вывучае надпісы на камянях. Хаця ён не ёсць прафесійным навукоўцам, яго даследаванне (PDF) разглядаецца да публікацыі ў навуковым часопісе, яго падтрымліваюць некаторыя прафесійныя навукоўцы.
Паводле тэорыі Раскэмпа, абраныя ім 84 малюнкі на камянях ёсць надпісамі часоў падзення дынастыі Шан (цзягувэнь, іерагліфічныя надпісы на костках, забытыя пасля 1000 г да н.э. і адкрытыя ў 1899 годзе) і пазнейшых часоў. У іх ён расшыфраваў рытуальныя тэксты і «нататкі», што адпавядаюць па сэнсе часу і мясцовасці, напісаныя па тагачасных кітайскіх правілах.
Адзін з тэкстаў у расшыфроўцы Раскэмпа, напрыклад, кажа: «Падзеленыя на 10 год, абяцаў вярнуцца, падарожжа завершанае ў дом Сонца, падарожжа завершанае разам».
Даследчык мяркуе, што кітайцы наведвалі Амерыку ў межах экспедыцый, але наўрад ці ўтваралі паселішчы, пра што на яго думку кажуць і некаторыя надпісы.
Таксама ён згадвае падабенства ў ДНК між амерыканскімі індэйцамі і азіятамі, што магло не толькі застацца з часоў перасялення чалавека з Азіі ў Амерыку дзясяткі тысяч год таму, але і ад больш сучасных «гасцей».
Акрамя надпісаў, ідэнтыфікаваных Раскэмпам як старажытнакітайскія, іншых хоць крыху падобных да праўды сведчанняў прыбывання кітайцаў у Амерыцы тры тысячы год таму не знойдзена.
-
У Германіі перапахавалі імператара Атона I Вялікага, заснавальніка Святой Рымскай імперыі. Ён прызначыў першага каталіцкага епіскапа Русі, але місію знішчылі язычнікі
-
Такім мог быць Максім Багдановіч на 50‑рублёвай купюры ФОТАФАКТ
-
Архітэктара Шабунеўскага рэпрэсавалі за «злачыннае будаўніцтва моста» цераз Сож. Там і цяпер праблемы з пераправай
Каментары