Расейка Кася Салаўёва, кіргізка Маўлюда Атакулава, карэец Андрэй Кім. Камэнтар Рэдакцыі.
Камэнтар Рэдакцыі.
Прапагандысты, запазычыўшы каляніяльную схему, выстаўляюць нацыянальны рух, дэмакратычную апазыцыю ў цэлым гэткімі «этнічнымі нацыяналістамі», якія мераюць чарапы і ночы ня сьпяць, думаючы, як бы захапіць Смаленск і Беласток. Той самы «Малады фронт» як толькі не называюць.
Тым часам расейку, дачку вайскоўца Касю Салаўёву судзілі за прыналежнасьць да Маладога Фронту. Кіргізка Маўлюда Атакулава за акцыю салідарнасьці з Салаўёвай у Полацку правяла ноч у ізалятары, а на наступны дзень была аштрафаваная на 1 225 000 рублёў. Карэйскія карані мае Андрэй Кім, які цяпер у СІЗА чакае суду.
Беларускі нацыянальны рух захоўвае грамадзянскі характар, яднае людзей па грамадзянскай, а не этнічнай прыкмеце, і дабіваецца вызваленьня ўсіх грамадзянаў Беларусі, незалежна ад паходжаньня ці вызнаньня. Апошнія судовыя працэсы гэта яшчэ раз красамоўна пацьвердзілі.
Каментары