Літаратура1616

Віталь Рыжкоў прыняў выклік Найдзёнава на паэтычны батл, але пры адной умове 

Літаральна тыдзень таму Мікіта Найдзёнаў, саліст гурту «Hurma» і малады паэт, запісаў відэазварот да журы прэміі «Дэбют», дзе выказаў нязгоду з іх рашэннем і выклікаў трох чалавек з журы на паэтычны батл. Падрабязней пра гэта можна пачытаць тут.

У сілу абставін Уладзь Лянкевіч і Антон Рудак адмовіліся ад удзелу у культурным спаборніцтве. Віталь жа Рыжкоў, якога таксама выклікаў Найдзёнаў, адказаў на выклік спявака.

«Я не маю права выказвацца ад імя журы прэміі «Дэбют» імя Багдановіча і выступаю тут як незалежны літаратар, не датычны нават да творчых прафсаюзаў. Ідэя выкліку на «батл» сяброў журы конкурсу, дзе не перамог, — абсурдны і папулісцкі ход, смешны спробай максімальна скарыстаць для самапіяру сітуацыю вакол прэміі. Ход цынічны і не мужчынскі з той прычыны, што ад уганаравання ніхто з аматараў ператварэння літаратуры ў шоу не адмовіўся.

Яны ўзялі грошы, спадарства, і раскрычаліся на ўвесь свет пра несправядлівасць. Гэтыя людзі прэтэндуюць на ролю маральных аўтарытэтаў у будучыні. Відаць, чыёсьці месца ў маладой літаратуры сёння занялі прафесійныя самапіяршчыкі, і прафесія абавязвае іх уздымаць інфармацыйны шум вакол сваёй персоны.

Шкада, што такая магутная творчая энергія не пайшла на саму творчасць.

Я прымаю выклік пры ўмове пацверджанага дабрачыннага ахвяравання ў фонд «Вяртанне» ў суме, эквівалентнай $435 (гэта памер прэміі за кнігу, што застаўся пасля аплаты падатку) — грашыма, якімі, па словах аднаго з пакрыўджаных, яму «плюнулі ў твар». На далейшае развіццё прэміі «Дэбют».

Апускаючыся да ўзроўню інтэлекту і ўнутранай культуры апанента, я стаўлю на кон сваю літаратурную рэпутацыю. Але я гатовы ўзяць удзел у гэтым шоу «пры гледачах і без цэнзуры» (дарэчы, а суддзі — хто?), выгаднае адзіна і выключна самому апаненту. Цана ўваходнага квітка агучаная.

Мой тэкст на тры раўнды батлу ўжо гатовы, і я проста прагну прачытаць яго ў твар апанента. Я веру, што сп. Найдзёнаў зладзіў усё гэта не дзеля грошай і выканае гэтую карысную для культуры ўмову. Адмова ж прадэманструе грамадскасці цану слова і новыя маральныя якасці сп. Найдзёнава.

Калі прадстаўнік Фонду «Вяртанне» пацвердзіць, што ахвяраванне адбылося, я прапаную апаненту колькі пляцовак на выбар, а таксама — відэааператара, мадэратара, абмежаванні па СМІ ды іншую арганізацыйную дробязь». 

Нагадаем відэа з урачыстай цырымоніі:

Мікіту Найдзёнава не задаволіла адзнака журы, і ён вырашыў выклікаць некаторых яго прадстаўнікоў — Уладзя Лянкевіча, Віталя Рыжкова і Антона Рудака — на паэтычны батл.

Вось відэазварот Мікіты да журы:

Каментары16

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць